廣州高鐵南站

去試坐高鐵由福田站去廣州南站, 去廣州快好多 !

由廣州返來, 好似把能量用完, 幾日都好累, 今日才有精神寫 !

 12:30由上水坐東鐵去落馬州過香港和大陸關口

過關後就搵地鐵站, 跟指示牌落去出到去一個廣地, 要由旁門入返去地鐵站; 以前落馬州線剛開通時, 同老公試過由呢條線去老街, 以為當時行錯路, 原來都是要先出廣地, 但在回程就入面有特別通道去香港方向, 不須落廣地 !

2007-12-01 時影的相

入地鐵站前在搵[深圳通]增值處, 因為本人和老公的[深圳通]會俾四弟和七弟用, 而本人同老公會用[香港長者卡]行長者優惠通道是免費的, 問職員才知要先過安檢, 才有增值地方, 傻傻地見到增值機就去試, 試來試去都搞唔掂, 之後才見到有買票處可以增值 !

我地須坐地鐵4號線去[市民中心]站(一共3個站), 再轉去地鐵2號線, 步行約2分鐘, 去福田地鐵站(只是一個站), 一共4個站不算太遠 !

由[福田地鐵站]行出來就要跟指示牌去[火車站], 步行約2-3分鐘, 有商店和食野地方, 因為時間緊迫, 所以我地食個包就算數, 因為還要搵買火車票的地方 !

原來行到尾轉左, 先見到多部自動買票機, 要轉個灣才見到買票處, 可以見到將來是要你用自動買票機, 全部人手賣票處都在偏遠地方 !

排隊買高鐵票, 要用回鄉証或護照, 就係實名買票, 等你地無得炒票, 是很好的安排 !
本來想坐14:21分的火車, 但去到時是約14:00無曬票, 所以要坐下一班15:20的車, 本來想買一等票, 但又賣曬, 唯有買二等票82人民幣, 要俾多3人民幣的稅 ! 佢俾返張發票, 當時本人唔知係乜, 以為佢無散紙俾發票代替, 而在回程本人當3人民幣俾返佢唔收, 返來上網查才知是稅, 但在回程又不須俾個3人民幣稅, 真不是好明 !
所以想確實買到票, 須預多時間去買票 !

買咗票就跟指示牌去[鐵路候車室], 其實就係高鐵入口, 而你張票有寫要去邊個閘口入閘, 入閘時間是開車15分之前 ! 入閘後有分前卡和後卡路線, 車票上有寫你坐第幾[卡], 大陸叫[車] !

火車上有廁所和分開的洗手盤, 沒去過廁所所以無影相 !

去時火車停在[虎門站], 回程就不停站直到[福田站], 但去到[深圳北站]火車會慢駛, 搞出笑話, 因為本人以為已到站, 所以同老公起身去取行李, 而成班人跟在我地後面, 最後全部人要坐回位上 !

廣州南站好大, 去時八弟開車來接我地去祈福酒店, 所以唔知有乜車可以接駁去祈福新村, 而走時本人兩公婆是坐酒店免費車返南站 !

可惜帶錯插頭, 所以電話無電影唔到回程的相 !

回程買票:
廣州南站好大, 到處都是自助買票機, 當時同老公行咗一個大圈, 最後在[Ticket 2]售票處行出門口先見到[人工售票處], 內面窗口5/6/7/8上面寫:[改簽], 所以我地當然排隔離左右個啲窗口, 排到時職員說:[不賣票 !] 
最後老公排在[改簽]窗口, 而本人行前去打尖問, [這裡可以買票嗎 ?], 答:[可以, 但妳要排隊], 咁本人就放心走回老公身邊排隊買票 !

買咗票還有一個鐘的時間, 先去揾[候車室], 原來就在[Ticket 2]行返入去對正在大堂中間, 而人口對面有間餐廳72街[72street restaurant], 有好似真功夫餐廳賣的排骨或雞肉套餐, 有白飯、有小食(魚丸或青豆)、有湯賣45人民幣, 可以食飽先上車 !

上到去[候車室]先要過安檢, 有[A區][B區]睇到暈唔知要去邊邊, 原來兩邊都可以, 要過咗安檢入去同一個候車大堂才睇票上的出閘號碼 !