小心！有港女於美孚遇「借錢黨」，損失現金更洩露住址，自嘲交了「智商稅」。網民憂會有後續麻煩。
港女美孚遇「借錢黨」
該港女於Facebook群組「Mei Foo美孚」發文憶述受騙經過，表日前在美孚新邨8期遇到一位中年女士，對方先詢問她是否住在附近，隨後編造了一個「唔係好make sense」的遭遇。
陌生女士欲借35元並詢問地址
該女士聲稱自己不慎將裝有銀包的袋，遺留在女兒位於美孚的家中，希望向樓主借35元坐車回自己家取鎖匙，並詢問樓主的地址，承諾「會放返錢在我（樓主）的信箱」。
港女落疊自嘲「交咗智商稅」
樓主當時一心想幫人，沒有多想便給予對方35元及住家地址「佢記低咗我地址」。事後，她才驚覺自己受騙，自嘲表示「交咗少少智商稅」。樓主亦呼籲街坊提高警覺「唔知有冇邨友有類以遭遇，請各位邨友小心受騙」。
網民擔憂有手尾跟
帖文引熱議，不少網民擔心樓主洩露地址會有後續麻煩「要小心，畀咗地址嘅話佢可能會攞你地址做其他嘢 ，例如借錢」、「比埋地址，咁你要小心門戶！」、「畀咗地址就唔止$35稅㗎喇，我怕你有手尾跟，有咩唔對路記得報警」、「寧願無咗幾十蚊，都唔可以比個地址陌生人」、「錢冇咗少事，但比咗地址佢就要小心門戶，提埋屋企人提防白撞」。
網民分享類似經歷
有人則分享類似經歷「之前有個阿婆喺旺角問我借錢搭巴士番大西北，我堅持陪佢等巴士幫佢上車時比錢，佢就口噏噏唔知講咩行開咗」、「我在美孚地鐵站遇到兩次，一次是兩個女人，一次是抱著小孩的女人。都是問你攞幾拾蚊，不多 。很多人就會同情。就算明明知道是騙的，都會給他請大家小心」。
沒有留言:
張貼留言