不同重量的金幣

中銀楓葉和熊貓金幣都有分1oz, 1/2oz, 1/4oz, 1/10oz, 1/20oz 重量的金幣, (金甲蟲口中叫GMA, GMB, GMC...), 但 1/2oz 金幣的價錢不等於 1oz 金幣的一半, 而是高幾十蚊 ! 1/4oz 金幣也不等於 1/2oz 金幣的一半, 所以想買來保值, 大家都會買較少溢價的 1oz 金幣 !

多謝 168 朋友的介紹, 才知原來澳洲鴻運金幣也有 1/2oz 的 !

講到賣金幣, 銀行職員多數是成舊木頭咁, 問一句答一句, 而賣基金和保險佢地就叻 !
我在恒生的經驗係 :
我 : 請問有無金幣 ?
職員 : 妳想要邊隻和幾重 ?
我 : 澳洲 1oz 個隻.
職員走去後面問回來說: 無貨.
我 : 有無其他金幣 ?
職員又走去後面回來說 : 有鷹揚和富格林.
因為在網上牌價上無富格林, 我才知有得買 : 富格林幾錢 ?
職員才睇面前電腦報價俾我 !
如果職員一早同我講當日有乜貨, 咁佢就唔曬走來走去, 而我都可以知有乜野可以選擇 !
所以去銀行都要自動問多幾句 !