魚缸通：中美氣氛改善 散戶撈半新股

on.cc東網專訊

美國總統特朗普話會幫助中興通訊盡快恢復業務，港股變狂牛，周一早上升超過400點。唔通中美貿易糾紛可以傾得掂？散戶撈貨好時機？

致富證券大埔分行經理Gordon話，中美緊張氣氛改善，散戶有番入市興趣，追入手機設備股，包括舜宇光學科技(02382)、瑞聲科技(02018)，以及香港交易所(00388)。

另外，有啲新股目前股價仲低過招股價，所以散戶朝早都快手追入，例如平安好醫生(01833)及天保能源(01671)。