2021年10月19日 星期二

加入金銀甲的新人必讀

投資乜都好, 一定要先識基本知識, 所以最好先睇完本網誌成個[投資金銀手冊]後先好落場買野 !
投資實金實銀, 一唔訓身, 二唔借錢, 三只用閒錢買貨 !

想易套現就買實金(註:實金差價大, 也不大適宜短炒的), 而實銀是長線投資 !!
 

實銀心急放就拿去上環忠記溶金舖一定可以套現, 不過只拿回純銀價, 可能靚野會俾返多少少錢你, 而想高價放就拿去網拍 !

世上無 sure win, 也無不勞而獲, 唔經分析亂投資後果自負, 到時輸錢唔好怨任何人 !

收藏幣介紹

本人已開多個[收藏幣介紹]分區來貼收藏幣, 唔係個[投資金銀手冊]會變得太長, 導致想睇實金實銀知識的人須睇多好多文貼 !

低溢價幣如楓葉/鷹楊/愛樂和增值幣如澳洲生肖會留在[投資金銀手冊]分區, 雖然收藏幣也可以變為增值幣, 而低溢價幣和增值幣也可以變為收藏幣 !


新人開始買實金實銀時, 多數會去計價買邊隻實貨會最平, 但之後買下買下就會愈買愈高溢價金銀幣, 而最後只為靚而買不再理價錢 !

近來發現, 原來有一班人是由收藏開始才接觸金銀幣, 所以收藏幣是有出路的, 不過一定要限制自己唔好中曬收藏毒癮買太多和太貴的金銀幣, 因為自己出發點是投資 !

所以買收藏幣, 只會選又有特色而又唔太貴的金銀幣來買 !