2008年9月13日 星期六

提取實貨股票

如果想提股票出來要同你證券行或銀行聯絡, 多數要你簽提倉指示及要你付 : hk$5 每手, 最少 hk$30 每一隻股票計, 普通需時約一個星期股票就可以到你手(在正達證券行倒閉時, 一時間好多人提取, 個時提貨需時一個月), 有些公司會包幫你轉名, 有些公司不包, 要你自行去轉名. 隻股票的過戶署的名及地址寫在張股票的前下方.

過戶署轉名的用費是 hk$5 每一張股票計(有時一張是一手, 有時一張是一萬股, 大 lot 會少些用費, 但如果你以後想分小部份出貨又要去過戶署換過或全部入倉先, 所以要預先諗清楚你想要小 lot 或大 lot.

如果自己不能親身去過戶處, 可以填完股票後面的私人資料, 在最下面承讓人欄簽名後, 叫人代去過戶署轉名.

轉了名的股票好處是以後派息時, 過戶署會寄支票給你或把股息轉入你指定的銀行戶口, 但如果你想賣出時, 好多行都會要求你入倉後十天至兩個星期先可以賣出去(有些證券行可以即時幫你沽出股票, 但須在兩星期後才俾返錢你, 因為你自己須承膽責任, 如果股票有問題, 例如簽名不符或報失後, 搵返股票又沒消案或股票已合併, 已無甘多股數, 須要你買返股票來交收; 你可能會受到某成度的損失)及入倉要收取 HK$5 一張股票或簽一張轉手紙(standard form)都係 HK$5 一隻股票計.

有了你的地址, 隻股票以後有年報, 開會, 供股或送股, 派息都會寄信給你.

記住要好好保管你的股票, 因為遺失了, 你就會好麻煩及要交好高的費用先補得返. 如果想改股票持有人的資料如改地址或轉入股息的銀行戶口, 你可以寫信去通知過戶署, 在信上寫上持有人的名, 新地址, 股票名稱, 股數及股票上的 certificate numbers, 還要記得簽你申請股票時的簽名.

如果你提了貨出來又不去轉名, 以後如有股息派你會收不到, 但如果隻股以往都不派息, 最好吾好去轉名, 可以省返用費.

註 : 資料來之個別證券行, 所以要用你用的證券行或銀行的收費為準 !

2 則留言:

斯F' 提到...

解釋得十分詳細,我覺得好有用,謝謝分享。

Lisa 提到...

You are welcome :)