2012年1/4盎司金熊貓, 3219蚊
昨日先去長江大廈對面的中國銀行買2012年金熊貓, 兩個窗口都有人在買雞碎咁多人民幣搞咗成大半個鐘; 左邊一位大嬸唔明點解一千美元唔可以直接換人民幣, 而職員再三解釋, 要先轉換港元, 才可以換人民幣 ! 個女人以為美元只可以換港元, 所以在問要點搞先可以換到人民幣, 是否要匯去大陸 ? 終於半小時後佢先明白, 要先轉港元, 才用港元換人民幣現鈔 !
右邊一位阿伯, 用一千美元現鈔換五千人民幣, 但要新的人民幣現鈔, 而餘數要港紙, 不過一定要新鈔, 而佢要求差不多睇曬女職員櫃抽入面的現鈔為揀最新個張 ! 又要信封, 接過四個還不夠, 要多兩個 ! 難為個姐姐仔還可以笑笑口好好氣問佢還要乜野 ? 係我一早就黑面啦 !
而終於到我時我問有無1/10盎司金熊貓, 個職員說無曬金熊貓 ! 我說其他 size 都無 ? 答案是: 全賣曬 ! 用時一分鐘搞掂 !
後來行去永安大廈, 一邊在諗也可以去恒生買小金袋鼠, 最後行入永安大廈中銀一問, 1/10盎司金貓仔賣曬, 但好彩有1/4盎司小金貓, 最終買到心頭好 !
對比大半年前買2011年金熊貓仔是買平咗 !
原來昨天中環地鐵站有大單事發生, 有個傻佬帶假炸彈入車箱俾警員制服, 而地鐵站 ABCD出入口 2點半至3點半俾封鑰 ! 我剛好個時段去中環, 不過是由尖沙咀轉去的, 而唔係經九龍塘, 而到站後由J出口行咗去中銀 ! 在去完永安大廈中銀後, 我去咗大家樂食粉, 之後行去皇后大道, 想搵 Macy 說的舊大廈商場銀幣店, 但搵唔到最後行去華興 ! 華興 1盎司一期生肖全是一千蚊一枚, 而二期牛要 1200蚊, 所以幫襯旺旺和 Ivan 好過啦 !
行到四點鐘我才入去地鐵站坐車走, 所以完全唔知有事發生過 !
34 則留言:
都幾靚喎，吾知仲有冇呢
睇睇下又真係靚過我以前買既金風葉喎.
死啦...心思思添!
買銀先定買金先??
哈哈, 又毒咗唔少人 !
哇, 金價發緊癲 @_@
恭喜Lisa姐....^-^
回honson,
你都買咗啦 :)
嘩，真係一野升左幾十點，又上番去了，無緣！
1/4好似太細了點，不過熊貓袋鼠靚過楓葉好多呢~
猛虎，而家升番上去，要轉買銀了你，哈哈
you bought the panda from Hang Seng?
Calvin Koala,
Not from Hang Seng, from BOC ! BOC has Maple and Panda and Hang Seng has Nuggets, Krugerrand, Eagle and Maple !
恭喜Lisa姐買了心頭好,Macy去完台灣住了個多月終於返來香港了,各位好喔 !! ^^
哇, 一說 Macy, Macy 就出現 XD !
嘩，macy，好耐唔見！台灣無得上網架咩？
有無買好野呀台灣，hehe
LISA， 如果買袋鼠，係咪係恆生買會平D呢？ THX！
回DC,
妳可以睇恒生報價, 再去同其他網比較 !
http://bank.hangseng.com/1/2/rates/gold-prices/gold-prices
依家 12900 一盎司
http://www.lpm.hk/buy-gold.aspx
$12,916.81 HKD
https://online.kitco.com.hk/gold/index.html
$HKD 13,024.65 每塊
去恒生買, 有時可以買到舊版袋鼠的 :)
而家lpm做得好貼，不過佢應只有12年，但中銀就可能有寶執！同埋呢，我發現恆生個價好唔update，佢唔太跟市價轉，好耐先跳一跳。
回Chic Wong,
正確, 恒生網報價是開市價, 而中銀網才是live update !
謝lisa。我尋日仲諗到一個問題，的金幣價其實係金價+A (A is fixed)，定係金價+A+浮動指數b？我見就隱約見到例如澳洲金龍好似點都係大約貴其他金$1000倒，當然同一間公司計，請教一下
大洋會吾會貴D?
回嘉芙蓮,
大洋都是計中銀價, 不過妳要預時間, 因為佢地要check 價 !
回Chic Wong,
銀行賣的金幣不同其他 PM金幣, 所以澳洲金龍是貴 D , 因為銀行賣的是bullion coin, 而澳洲金龍是收藏幣!
不過銀行有時會加大金幣的買賣差價的 !
還有恒生收返來的金袋鼠, 全照牌價買入, 所以唔理年份又按牌價賣出 !
A網和G網就會按年份, 發行量和須求來定賣價 !
大洋今日有1/4,1/10同1/20盎司小金熊貓,2012版跟中銀一樣價
謝chichou 報料 :)
你買咗嗎 ?
買O左1/10同1/20盎司,唔多貨,去之前最好打電話問會好O的
回LISA， 多謝報料。以你個人經驗， 以 1 oz. 金幣計，最平是否金熊貓？ THX！
回DC,
1盎司金幣最平是恒生南非富格林, 過了是中銀金熊貓, 再貴D是中銀金楓葉, 最貴是恒生金鷹楊和金袋鼠 ! 唔計收藏金幣來說 !
但金熊貓一過咗發行年就唔可以賣返俾銀行, 要當收藏幣來收藏或拿去拍賣, 因為銀行會當廢金來回收 !
而依家金價貴, 所以我買小金熊貓當收藏幣來收藏 XD !
中銀個位哥哥仔還諗住同我解釋, 但我說: 得啦, 我知啦 XDDD !
金貓整番每年一隻半隻收藏都正啦，甘靚！
我諗住半安半安買，易儲的，到夠一安就賣左佢轉一安，甘好無？定係半安就算呢？係就係好似好傻比人食差價，但一安好似正的，半安甘細粒，哈哈
回 Chic Wong,
如果睇金價升就買住半盎司先啦, 但如果是跌就唔好轉啦 XD !
回Chic Wong,
Macy去台灣純粹觀光,住在不同的親戚家,所以無上網,個多月來都係吃東西和見下唔同的親戚無買到什麼金和銀東東 !!
Lisa,您好!
小熊貓初到貴境! 我昨天去左中環中銀買左個10分1安士的熊貓金幣呀! 好細過呀! 比個1毫字大少少, 我晚上攞俾媽咪睇時,佢仲以為係幾百蚊咋呀! =.='
回小熊貓,
好多人都唔知金價升左好多呀 xd !
回Lisa,
其實我同屋企人間中都有去金舖買金, 我地都知金升左好多...但買金幣都係第一次呀! 如果金價回d, 我都想買大D的金幣呀!呢果太輕, 無咩質感呀! XD
仲有, 多謝您的文章呀! 可以幫到我地呢d新手呀! ^__^
係呀! 我都好想金價回d就入貨。
張貼留言