2009年2月4日 星期三

電訊盈科是股民的悲哀

當年電訊盈科是好多股民的愛股, 就如今日好多股民視匯豐為愛股咁 !
為何會去到瘋狂的地步 ?
就係當年盈科買殼上市, 由 0.169 炒上去接近三十蚊, 當時用的號碼是 1186 !我有客賺佐幾百萬, 笑到合唔到口, 我還在接近最高位幫佢沽到貨 ! 點知人性就係唔知足, 股價落去 25蚊又買返, 一路落就一路買........
世 上好的公司管理層難遇, 有良知的少數, 玩財技的就好多, 盈科在剛好科網熱時大手收購, 用一億買了個 tom.com 網名, 還分拆上市 ! 當時應該有了警惕, 但人人都好興奮, 還引來人龍排隊申請新股的潮流, 好多人都驚死買唔到股 !之後盈科就蛇吞象, 收購了當時的公用股電訊, 八號仔, 而改為 8 號電訊盈科 !
為何當時又睇好呢個合併 ?
第一因為李嘉誠的大名, 第二因為電訊是大藍籌公用股 !
當時我都買佐一萬股, 以為可以長線持有, 後來 跌到去五蚊跳佐車! 但好多人就是好似人人依家睇匯豐咁, 長線一定會升返, 李嘉誠唔會唔幫個仔 ! 之後在一蚊附近五合一後就跌到今日的田地 !
所以大家可以理解現有小股東的心情: 一殼眼淚 !

2 則留言:

ah man 提到...

HI.
呢個世紀, 唔會相信會升番的事架啦.
太先進, 步伐亦行得很快.
始終有其他野可以取代.

昨晚電盈單新聞, 睇左3次.
在場股東差不多全部長者.
長者既年齡 仲山長水遠去呢D會議表示不滿,
盡見不滿之心程度啦.

真係 食幾多 穿幾多 整定 ~

Lisa 提到...

所以教訓是 : 唔好同股票結婚 !