配股是大股東把股票讓給第三者, 可以是基金或大戶或證券行; 他們可以再分給自己客戶認購, 這樣就叫 Placing。 Placing 客戶可以先認頭會認購幾多股, 到最後要睇多或是少人認購, 才分幾多股給你; 分到幾多後才扣你錢, 所以同 IPO (抽新股) 有所不同。 如果太多人認購, 你有機會一股都分不到的。
供股是大股東向小股東要錢, 規定持有幾多股份就要用幾多錢去認購幾多新股。 供股都有個除凈日, 在這日"供股權"會由股價中扣除, 在這日或以後買入的股票就不須供股的, 在除凈日之前買入的股票就可以獲得"供股權", 多數會用 29xx 號碼（2005年時用 29xx, 依家就唔知了）上市買賣交易十日。 如果你不想供股, 你可以把供股權賣出去給外人去供股, 但如果供股價高過市場價, 好多時都無人會買這些供股權的。 供股不是硬性的, 所以就算你賣不出供股權你都可以不供股。 如果供股價低過市價, 好多時小股東會樂意供股; 除了規定的供股股數, 你都可以額外再申請供多一些, 但不一定會分給你的。
如果你股票還在證券行或銀行, 他們會幫你去收取供股權及幫你搞供股, 當然會收你費用。 如果股票是轉了名自己保管, 到時你會收到一張供股權及一張額外供股表格的。 如果你想把這供股權出賣就要拿去你證券行或銀行沽出！
11 則留言:
唔太明, 請指點一下.
點解佢地語供股有著數呢 ?
5 供一, $21 x 400股= 要比 $8400 就會多 400股嗎 ?
唔供股有著數, 可能是指可以賣出供股權, 但供股權會由股價中扣除, 所以只拿返自己的錢吧 ！匯豐 5 供 1 是指, 如有一手匯豐=400股, 就要供 80股, 所以唔會有新股 400股 ！
haha.. 我仲係唔太明. 以前睇過書講, 供股 合併... 大多數唔係好野來.
好彩我冇#5仔, 如果唔係煩死我.
供股當然唔係好消息, 因為就係業務唔掂才要供股 ！
我一早說過, 要避開銀行, 保險和工業股, 但手中盈富基金一樣受拖累 ！依家睇返, 前兩年在 21.45 沽出一部份 2800 是正確, 雖然 2800 之後升過去三十幾蚊才跌落來 ！
Timing 是難計算的 ！
我冇#5 , 咪一樣中左隻#66, 政府要沽呀.
都唔知點好 ~
金融海X, 必有損失, 無人幸免
你好,我是股票的新仔, 想請教
見報導1398 10供0.45, 我唔想供
係唔係唔理果d供股權就得?
同埋唔供其實有咩影響 ?
係唔係派息被分薄左而已 ?
煩請指導
回匿名,
上文已說:
[如果你不想供股, 你可以把供股權賣出去給外人去供股, 但如果供股價高過市場價, 好多時都無人會買這些供股權的。 供股不是硬性的, 所以就算你賣不出供股權你都可以不供股。]
供完股當然是分薄盈利啦, 因為股數多咗 !
多謝指導
再請問一下,
"唔供股有著數, 可能是指可以賣出供股權, 但供股權會由股價中扣除, 所以只拿返自己的錢吧"
但如果賣唔出供股權, 咁股價有否影響 ?
謝謝
回匿名,
供股權一早已在股價中扣除, 所以你賣唔出供股權是對股價無影響的 :)
多謝賜教
有冇人150蚊果時買匯豐?
張貼留言