白手興家

世上無幾多人是含金鑰匙出生的, 畢非特唔係, Bill Gate 唔係, 李嘉誠也唔係; 李嘉誠的兩個仔才是 ！
好多人只睇到人地成就的一面, 但辛酸苦難的日子, 又有誰會知 ？

我父母都是在南洋出生, 結婚時好窮; 我媽媽嫁入去時要同家公家婆一齊住, 還有成班弟妹（九兄弟姐妹）, 我祖母又掛住日日打牌,因為我爸爸是大仔, 要拿起照顧弟妹的責任！ 我媽媽要為成家人煮飯洗衫（用手洗, 因為無洗衣機）, 有身孕時一樣要做家務無人幫手搞到小產。 後來我父母借了爸爸舅父的錢買了一架貨車做運輸, 才慢慢建起間運輸公司, 也買自置物業, 建起個小家庭。 點知好景不常, 因為印尼攻退荷蘭的管置, 我地去了荷蘭, 須要從頭來過 ！在荷蘭, 爸爸做過工廠, 做過修車, 後來儲到錢才開餐館, 所以我個時要幫爸媽慳錢, 須踩單車去有特價品的商店買食物日常用品, 幾遠都要去 ！ 我長高了需要換成人單車, 叫爸媽買新單車俾我, 好開心咁期待, 點知買的是二手單車, 我傷心的哭了三天 ！ 爸媽做生意, 我就要照顧弟妹（又係九兄弟姐妹）, 因為我是大女, 最後還要去餐館幫手, 一邊讀書, 一邊幫屋企 ！

我結婚時, 我老公是個窮小子; 我地住在我爸媽開的其中一間餐館樓上的一間房中, 約 300呎, 又是睡房又是客廳又是煮食的地方 ！ 我在樓下餐館幫手, 得到的是當時的最低工資 600荷盾, 我老公就去佐最忙的一間餐館做 waiter, 除佐最低工資還可以分到客的打償 ！後來我在諗, 唔可以咁做落去, 打死一世工, 所以一有機會, 有個新開的商場想開中印式的商店, 我就對我爸爸說我想做, 所以爸爸幫我當擔保人去銀行借錢開店, 而我老公也借佐佢有錢姐夫一筆錢 ！ 以後我兩公婆齊合力做生意儲錢才有今時今日的成就 ！
剛結婚度蜜月, 老公帶我返香港佢屋企, 第一眼我以為我入佐間車房, 一路等佢帶我上樓, 點知個個就係佢父母成個家了 ！ 之後我幫佐佢無錢家姐同弟弟開店做生意, 得到我家婆的歡心, 成日讚我又靚女又善良 ！

我要說的是, 每一個人都可以由無做到有, 只要你有心機和毅力 ！

（專寫俾我仔女和弟妹睇的 ！）