只看呢二十年, 物業價格穩步上升, 除非你在浪頂買入, 唔係你只有賺無輸 !
富爸爸說, 買入物業自住是消費, 是負債, 只有為你帶來收入的才是投資, 才是資產 !
本人的投資同富爸爸不謀而合, 所以如想分門分派, 本人是富爸爸派 !
買入一層樓不是投資, 買入第二層樓收租才是, 又因為銀行樂意借錢俾你買樓, 所以有摃捍效應, 而租客又幫你供銀行 ! 通常你無可能去借同樣銀碼去買死一隻股票, 而個隻股票又可以派足夠息俾你還俾銀行 ! 早幾年商業物業租金回報可以去到 8%, 而一般股票是派唔到的 !
在04/05年我在 newsgroup 叫朋友買樓, 他回應我他可以用匯豐股息租新樓來住, 所以不須買樓 ! 不知他依家有無後侮呢 ?
一層樓自住和一層樓出租好似幾好的投資, 不過你沒計落意外如遇租霸或空租期 ! 所以用收租來養老, 一定要有第三間以上物業才可以 !
再加多幾句:
出租樓一定要睇 location, 須選旺地點和交通方便, 太偏僻地方不易租出 !
還要睇自己實力, 如你有高薪又還同家人一齊住又不須俾錢養家人, 可以選買樓出租, 第日結婚才收回自住 ! 可以不借太多, 只借五成 ! 我本人第一和第二物業都無借錢係一次過俾曬 cash, 不過個時樓價平 !
買乜都要先做功課, 如果你只睇我說, 買樓出租可以養老就飛身去買樓, 你可能會失敗收手 !
在你買樓前, 請睇下我其他關投資樓市的文章 !
15 則留言:
買定租要因人而異, 有時候夾硬上車只會害死自己.
最重要係要一步一步來, 唔好一步登天用盡自己的供款能力.
用摃捍效應等同抄孖展, 當然係買得大, 贏得大, 但賠起來都大.
好彩我早幾年都買左個細單位自住, 但都有小小後悔買得太細, 來緊屋企多個人, 唔夠位了 :(
Timing ! 買股買樓都睇 timing !
高位接貨的已輸佐一條街 !
還要有實力, 我買第一和第二物業都無借錢 !
恭喜你就來有小寶寶 :)
Oh, 仲未有福氣生BB, 只係年尾結婚, 不過都多謝妳先 XD
咁更加要恭喜 XD !
Kai,
kung hei 晒^^
早年大家也覺將來會加息, 所以買細銀碼的樓就算加息也穩陣些, 我05年買, 當時估計供樓錢將來會加大20至40%..點知依架是愈供愈平...仲平過最初的!!!
回ah man,
呢樣就係意外收穫 ! 做好防風設拖一定無錯的 !
多謝Ar man :)
除左每月供款, 有無留意供款中的本金比重?
家下的本/息比重, 己等同供左15~18年樓了
XDD
回Kai,
咁樣就是供樓等於儲錢 :)
Kai,
本金比重？吾太明…我不是定款按揭。
最近問過銀行，她說用我欠的乘2%,就是息。
大約是欠$650k, 月供$4.8／k....
如果去贖樓不用罰款…
再加下息去贖也不奇，因買股不是強項麻:)
http://www.property.hk/Mortgage/?agtcode=&default_sale_price=2000000
上面個網頁好好用, 你試下玩就會明 :)
kai,
玩左, 明白啦! 我供緊20年呀, 那個數字很準確只是差數拾元 :)
意想不到呀 ~~~~
睇真d.我供緊13年樓...
余下15供完按2% 計利息付左 161 xxx
回Ar man:
供緊13年樓 余下15年?
利息會變, 但個數字可以作參考,
預算一下自己能力.
回Kai,
今年是供樓第5年的開始.
餘數15年按2%利息計算, 淨利息支出是$16萬多.
股場搵食梗難, 很多懂計數的說利息平借錢去炒股會有賺, 個人認為不是每個人也行得通, 最重要找到自己最有利最強的搵錢方式才是正路! 任何方法皆是行得通的.
每人能力不同, 所以搵自己的投資方式同方向.
記住, 錢係賺唔盡, 但好易輸清光 XDD
其實對比起樓, 外幣同金, 抄股己經唔難了.
只係太多人唔控制注碼, 又尅服唔到心魔(唔甘心輸)同貪念, 所以越輸越多.
張貼留言