見到網上, 有人賣樓賣股, 手持現金, 預備在最壞時機在低位買返 ！在另一邊, 因為低息, 所以有好多人出來買樓抗通賬 ！
有人成手實金等金本位, 也有人不信會有美元崩盤和惡性通賬的來臨, 繼續成個身家持股票 ！
美國蒸發龐大的財富, 亂印銀紙救經濟, 所以美元會貶值是推測 ！美元一弱, 資金就會流向商品帶起一個大泡沬 ！超級通賬來臨的機會也增加了 ！
油價升會帶起日常用品和食物的升價, 所以我們手上的銀紙就在貶值 ！到超級通賬的時候, 樓價好肯定也會升值, 不過借貸利息也一樣會跟住升, 升到爆時, 樓價就會下跌, 因為歷史話我地知, 點都會有人不會計數, 唔夠實力都走去買樓的 ！
人生本是一個賭局, 來緊的事又點會有預知 ？
所以我的樓全不用供, 可以繼續持有賺現金流 ！實金是我流動資金的十多個巴仙, 如果可以肯定金價會升到你唔信, 我又點會唔再加多一倍銀碼買實金呢 ？ 就係因為唔肯定 ！股票也是我流動資金的十多個巴仙, 又係唔敢肯定, 股市一路會升 ！
所以量力而為是好肯定的一件事 ！
世事幾公平, 邊個企錯邊, 邊個就會輸錢, 所以網上嘈架是好無謂的 ！
9 則留言:
研究是通縮 定 通漲呢 ?!
好後悔中學無揀經濟科, 現在d人講乜都唔知.
報紙成日說收租4%回報唔錯..
其實真係好唔錯咩?! @@
物價都沒通縮過：金象牌8公斤米由50蚊升去 109蚊, 後來落去 72蚊, 依家又返去 92蚊了 ！
買樓只怕利息將來大升, 如可以一次過俾曬錢的又不怕呢 ！
亞公亞婆的錢拿去買毒債, 渣都無, 不如買樓收租, 還有層樓凈 ！
但就唔好買太舊的樓, 因為高維修費, 也唔好買豪宅, 分分鐘無佐樓價一大部份 ！
以架吹 年底通縮喎 ~ @@
買樓一次過比晒, 會唔會被人查 報差稅架@@
聽人講, 買樓最好分期, 最多供3年後先贖番層樓.
我想買烏奚沙地鐵上面, 但35樓以上要$5000/尺, 無錢買 @@... 收租唔夠供.
如果是正當賺返來的錢又怕乜俾人查呢 ？
除非你是炒樓賺錢又不報稅 ！
個d 樓雖然靚, 不過好貴呢 ！
Lisa前輩, 你好! 初到貴境.
多謝你的分享, 不禁要留個言.
沒有人能預知未來, 可以做的只有分散風險及嚴守止蝕. 然而講容易, 要做的一刻難.
而我還是初哥女一名, 希望能知道當年前輩的投資經歷, 炒了多少時間才得心應手? 之後當上經紀是否因為喜歡上投資?
:)再次多謝你.
可惜而家d 人買樓重未知樓價升, 息一樣會升, 但願唔好咁多人借盡黎買樓, 否則唔知幾多人奶野.
回MF, 寫佐新文章答你的問題 ：）
回 sigur, 無人可以幫到呢 d 人的, 因為實在太多想搵快錢的人 ！ 如果地產經紀同佢講, 依家借錢好平啊, 樓價因為通賬會大升啊, 咁就唔知會有幾多無知之徒飛身落去 ！
張貼留言