2012年9月25日 星期二

內地人收地 天平山村民被迫遷

乜內地人, 香港人 ? 

香港在沒俾英國管時, 是中國土地, 而一個邊境, 就把新界分開咗, 其實兩邊地本來是同鄉 ! 就好似釣魚台是中國的一樣 ! 

好多寶安藉人都是本來住深圳, 而好多後代都來咗香港生活成六十幾年或在香港出生, 就如本人老公家族 ! 而佢地祖先在新界(本來是中國)買咗地, 不過經幾代人後, 好多後生都唔多理或業權有少少爭拗, 搞唔清要點分法, 所以擱置咗好多年 ! 

現香港政府收地, 當然地主後代人會去同政府搞手續, 而名當然是阿爺名, 所以變咗大陸人收香港地 !

所以沒知真相的人, 以為去支持用緊人地的村民是好正義 !



蘋果日報

【記者鄭啟源報道】政府新界東北發展計劃,令村民慘變犧牲品。被納入規劃的粉嶺北天平山村,區內原居民地主原來早於發展計劃公佈前,已組團帶內地人到村內 買農地,內地資金早已在區內「落釘」。政府對發展區的發展模式猶豫未決,更加速內地人地主收地。有在天平山村居住超過50年的村民,昨遭執達吏臨門迫遷, 大嘆︰「真係俾政府害死,唔通要瞓天橋底?」

入稟敗訴 有理說不清

天平山村村民何寶鵬從小在村內生活,父親一輩在60年代從內地偷渡來港定居,在村內過着耕住合一的生活。何寶鵬的兩名子女均在村內出生,現與母親及懷孕七 個月的妻子,同住在一萬呎的地皮上,50年來從未有地主收租。
政府08年公佈新界東北發展大計,當時村內突然吸引大批「內地團」到訪,每次均由上水圍廖姓原居民帶領數名內地人參觀。其後村內突然冒出一批內地人,聲稱是地主要收地,過去幾年已有最少40戶鄰居被執達吏趕走。
何 家堅持地權由家人擁有,選擇與地主對簿公堂,入稟申請逆權侵佔,「住咁多年都冇人收租,家塊地無端端有個登記地址係深圳寶安區嘅大陸地主」。惟在上訴庭 上,上水圍前村長廖駿駒供稱,數十年前曾與何父定下年租600元的口頭租約,何被判敗訴。何寶鵬無奈說︰「家父去世已20年,根本有理說不清。」
何家一家五口,還收留單親友人及其三名子女。執達吏昨走到家門前說要即時收地,限兩小時搬走,經社福團體及區議員斡旋,限期押後至下月。何寶鵬批評,政府強調新發展區是香港人的新市鎮,完全是謊話,「周圍都係大陸人地皮,邊係香港人地方,發展已經害到我哋。」
路德會石湖社區發展計劃社工胡偉雄指,政府公佈發展計劃至今,天平山村已有100戶村民被發展商或地主迫遷;附近的馬屎埔村,單計今年已有超過20戶面臨收地,更有一戶被強行拆屋。

4 則留言:

小初哥 提到...

你唔講真係唔知

Lisa 提到...

回小初哥,
是有心人想分化香港人, 所以唔會寫出真相 !

據我知, 老公家族在邊境還有一大幅地, 不過業權証在某阿叔公手上, 而分法沒講掂, 所以唔知將來有無錢收, 不過我地都唔會太計較啦, 有也好無也好, 順其自然 !

Macy 提到...

Macy總覺得現時政府多做了一些"擾民"的事,好像想令香港"官迫民返"似的,好多原本是好事的也被政府拖垮下去 !!

提到...

香港人普遍對政府唔信任, 覺得佢地每件事都唔係為香港好, 再加上對共產黨反感, 只要有傳媒煽風點火, 扣上一個惡名帽子, 就乜都變成壞事了.

其實多睇幾份唔同報紙, 或者親身上大陸行多幾戟, 就會發覺大陸係唔夠香港好, 但亦進步左好多了.