什麼樓不會買 ?

1. 兇宅不買, 因為中國人相信, 兇宅會帶來惡運, 而一般銀行都不會為兇宅做按揭 ！


2. 舊唐樓不買, 因為一般會多維修費, 而無法團管理, 想買保險都難 ！


3. 近兩年起好的樓不買, 因為聽人講, 近年建築材料貴, 好多地盤都偷工減料或用平料, 所以呢些樓會易漏水或停電, 因為電攬太幼, 以後大廈須自費加大電攬 ！（連1991年入伙的上水龍豐花園, 都要自加多一條電攬, 吾係樓下商舖成日跳錶）


4. 近海或低窪樓不買, 因為地球暖化水位升, 好易水浸 ！


5. 推填地區不買, 因為一個好風水的樓, 地基一定要乾凈 ！（諗起美國恐怖片, 發展商在一塊墓地上面起樓, 墓中鬼魂半夜出來搗蛋）


6. 無好管理的屋苑不買, 費事發生赤字或法團鬥爭的問題 ！


7. 大業主持有大多數業權的樓不買, 因為第日小業主在管理方面好難有話事權 ！

買樓有什麼要注意 ？
其實買樓時要注意的是公契 ！（我就要到屋苑出了赤字才知乜叫公契）
公契內寫明每一個業主的業權, 公眾地方的範圍和管理支出屬誰 ！
當一個樓盤起好時, 當然沒有業主立案法團, 所以發展商會立對自己有利的公契和自找管理公司管理, 而呢個管理公司又多數會是發展商的附屬公司, 所以有利益衝得, 好多時都會偏幫發展商, 屋苑全部支出好可能會在小業主不知情下, 由小業主來承擔 ！
所以一個管理好的屋苑, 一定要有一個好的業主立案法團去監管一個好的管理公司, 來管理屋苑日常運作 ！
還須留意的是, 屋苑有無買夠保險, 按揭銀行多數會要求業主買火險, 但如果你屋苑買夠了保險, 你可以要求管理處寫封信俾銀行, 可以免銀行要你買的按揭火險 ！ 如果銀行吾接受你屋苑的保險, 就代表你屋苑買不足保險的了 ！ 還要留意屋苑有無買第三保, 如有意外發生, 免得小業主要賠錢 ！
業主還可以自買家居保險, 可以保你傢具裝修, 還包第三保, 如窗跌落街傷到人或漏水落樓下都有得賠, 還保帶出街的物品 ！ （墊底費個段要睇你保險條款）

註：想改公契, 一定要有 100% 業主簽名, 所以是難過登天 ！