2008年8月1日 星期五

月供股票的好與壞

近年在網上, 見到好多年輕人月供股票, 可能概念來之 MPF. 月供股票是可以幫以往不會儲錢的人儲起股票, 當是儲錢 . 但每一件事是有代價的, 每月買個少少碎股, 費用當然會高過普通買股票, 還有定時買就不能理買入時股價的高低 ! 最好當然是儲夠錢, 到了合適的價錢才去買貨. 因為多數銀行和證券行都會有最低消費, 約 100蚊, 所以連最蠢的師奶, 都會一買賣, 就買夠三萬蚊的貨, 才可以得到最小的收費率 !

說月供股票會減低風險是搞笑, 因為如果你在大市頂開始供, 你一定會錄得損失, 所以風險一樣不少, 不過有人在新聞組講過, 月供股票, 不只睇一個股市 cycle, 而要睇好多個股市 cycle,
就如 MPF, 到了65歲你才會去睇到成果 !

我會覺得, 呢個遊戲如買保險, 你要等到要用錢時, 才會知有幾多回報 !
所以都係勸人, 好好學習理財, 少買不須品, 再學投資知識, 增加財富, 可以提早退休都不須怕醫療和通賬 !

3 則留言:

ah man 提到...

月供股票, 有點搵笨.
買入價高, 沽出價低.

LISA 點睇以股代息呢 ?
有人話除淨比息你, 都是係自己個袋拎錢出來. 同市價換左碎股, 沽出價低.

Lisa 提到...

以前 d 客都常問呢個問題, 我答案是 : 你要睇隻股前景, 如果你以為隻股票將來會升, 當然要以股代息啦 ! 如果預計隻股價會跌, 就要現金啦, 因為如果經證券行代收息, 要股票的用費是高過收現金的 !

ah man 提到...

哈哈.. 真老實XDDD
自覺可以嚴守紀律的話, 應該要現金著數, 之後儲夠一筆過買正股.