2008年10月5日 星期日

房委會投資組合損手


蘋果日報


【 本 報 訊 】 金 融 海 嘯 令 全 球 股 民 人 心 虛 怯 , 就 連 一 向 投 資 穩 陣 , 坐 擁 550 億 元 巨 資 的 房 屋 委 員 會 也 損 手 。 房 委 會 曾 投 資 房 利 美 、 房 貸 美 及 雷 曼 債 券 , 預 計 今 年 投 資 回 報 率 , 連 去 年 表 現 平 庸 的 1.8% 也 守 不 住 , 主 要 投 資 美 國 股 票 的 環 球 股 票 更 「 蝕 到 入 肉 」 。 房 委 會 委 員 李 華 明 建 議 該 會 改 變 投 資 策 略 , 把 投 資 在 環 球 股 票 的 錢 轉 為 投 資 美 元 定 期 , 以 減 少 損 失 。

房 委 會 投 資 組 合 中 , 45% 是 投 資 環 球 債 券 , 25% 投 資 在 環 球 股 票 , 全 交 由 6 名 基 金 經 理 打 理 , 餘 下 30% 是 房 屋 署 管 理 的 銀 行 存 款 。 房 委 會 原 本 估 計 上 年 度 有 32.5 億 元 投 資 盈 餘 , 但 最 終 只 有 9.4 億 元 , 大 減 23.1 億 元 。 若 以 房 委 會 去 年 投 資 總 額 約 500 億 元 計 算 , 9 億 多 盈 餘 只 佔 整 體 投 資 的 1.8% , 遠 低 於 6% 的 目 標 。

強 調 不 影 響 建 公 屋

消 息 人 士 指 出 , 環 球 股 市 自 今 年 5 月 開 始 下 滑 , 以 美 國 道 瓊 斯 工 業 平 均 指 數 為 例 , 由 今 年 5 月 的 13000 點 , 跌 到 現 時 不 足 10325 點 , 跌 幅 約 15% 。 港 股 跌 得 更 勁 , 由 5 月 的 26000 點 , 跌 到 17682 , 跌 了 32% , 「 全 球 跌 得 咁 勁 , 房 委 會 當 然 唔 可 能 獨 善 其 身 , 環 球 股 票 投 資 唔 多 唔 少 一 定 會 損 手 。 」

今 年 4 月 環 球 股 市 出 現 小 反 彈 , 房 委 會 曾 錄 得 單 月 6.7 億 元 盈 利 , 但 消 息 人 士 指 , 環 球 股 票 近 月 累 積 跌 了 不 少 , 該 筆 盈 利 不 止 「 凍 過 水 」 , 更 已 「 蝕 到 入 肉 」 。 不 過 , 房 委 會 投 資 在 環 球 債 券 仍 有 盈 利 , 加 上 銀 行 存 款 利 息 收 入 , 相 信 今 年 仍 會 錄 得 小 量 盈 餘 , 「 未 來 幾 個 月 個 市 都 未 必 會 好 快 復 蘇 , 今 年 度 投 資 收 入 應 該 唔 及 舊 年 。 」 消 息 人 士 強 調 今 年 度 投 資 盈 利 雖 很 大 機 會 下 跌 , 但 整 體 仍 有 盈 餘 , 不 會 影 響 房 委 會 建 公 屋 計 劃 。

稱 中 長 線 回 報 穩 定

房 委 會 財 務 小 組 主 席 黃 遠 輝 承 認 , 房 委 會 委 託 的 基 金 經 理 過 去 曾 有 投 資 房 利 美 、 房 貸 美 及 雷 曼 債 券 , 現 在 不 知 是 否 仍 持 有 , 所 以 暫 時 未 知 是 否 有 損 失 。 他 指 近 期 全 球 股 票 市 場 波 動 大 , 不 利 投 資 , 「 今 年 投 資 回 報 一 定 唔 理 想 , 係 艱 難 的 一 年 。 」 房 委 會 投 資 組 合 只 有 25% 投 資 環 球 股 票 , 45% 投 資 在 環 球 債 券 , 屬 保 守 型 , 該 會 未 有 考 慮 更 改 投 資 組 合 , 相 信 中 長 線 會 有 穩 定 回 報 。

房 委 會 委 員 李 華 明 表 示 , 房 委 會 投 資 25% 在 環 球 股 票 屬 可 承 擔 風 險 , 但 全 球 經 濟 未 來 數 月 仍 不 明 朗 , 建 議 可 把 投 資 在 環 球 股 票 的 錢 轉 為 投 資 美 元 定 期 , 以 減 少 損 失 。
房 委 會 的 盈 餘 過 去 主 要 投 資 在 港 元 與 美 元 債 券 , 經 顧 問 檢 討 後 , 認 為 平 衡 風 險 欠 佳 , 建 議 改 變 投 資 組 合 。 房 委 會 在 獲 財 政 司 司 長 批 准 後 , 由 06 年 起 , 將 部 份 盈 餘 投 資 在 環 球 債 券 及 環 球 股 市 , 目 標 回 報 率 為 6% 。

特 稿 : 收 入 插 水 或 需 港 府 注 資

房 委 會 每 年 要 興 建 1.5 萬 個 新 公 屋 單 位 , 財 政 來 源 主 要 來 自 投 資 收 入 及 出 售 居 屋 貨 尾 單 位 。 公 屋 聯 會 擔 心 , 房 委 會 投 資 會 出 現 虧 蝕 , 居 屋 貨 尾 也 可 能 因 樓 市 插 水 而 停 售 , 房 委 會 未 來 財 政 可 能 陷 入 困 境 , 需 要 政 府 注 資 。

房 委 會 目 前 的 500 多 億 元 盈 餘 主 要 來 自 05 年 底 領 匯 上 市 , 出 售 資 產 套 現 的 300 多 億 元 , 加 上 以 往 多 年 來 結 餘 的 200 多 億 元 。 房 委 會 的 預 算 是 盈 餘 的 投 資 , 每 年 可 帶 來 逾 30 億 元 收 入 。 另 外 , 房 委 會 分 批 出 售 逾 6,000 個 居 屋 貨 尾 單 位 , 預 計 可 帶 來 98 億 元 收 入 。 但 房 委 會 現 時 每 年 的 公 屋 營 運 赤 字 達 20 億 元 , 而 維 持 每 年 平 均 興 建 1.5 萬 個 新 公 屋 單 位 , 建 造 成 本 也 需 60 億 元 。

居 屋 貨 尾 可 能 停 售

公 屋 聯 會 主 席 王 坤 擔 心 , 以 目 前 的 投 資 環 境 , 房 委 會 投 資 不 排 除 出 現 虧 蝕 , 加 上 居 屋 貨 尾 明 年 也 可 能 因 樓 市 插 水 而 停 售 , 房 委 會 收 入 將 會 大 縮 水 。 與 此 同 時 , 受 房 屋 法 例 所 限 , 公 屋 不 能 大 幅 加 租 , 而 新 公 屋 建 造 成 本 又 因 通 脹 而 大 幅 上 升 , 房 委 會 未 來 財 政 可 能 陷 入 困 境 , 影 響 公 屋 建 屋 進 度 。 短 期 內 房 委 會 仍 可 「 食 老 本 」 , 但 長 遠 可 能 需 政 府 注 資 , 並 重 新 興 建 居 屋 。

記 者 : 馮 永 堅 、 麥 志 榮

9 則留言:

ah man 提到...

lisa 姐, 你好呀 ~
#11 寄信比我, 港元定期$ 200 000 %2.9 6個月.
唔知出邊息口咩環境呢 ?
心郁郁想定左佢 .

Lisa 提到...

今天大眾一個月港元定期有 3.4%,
交通有 3%, 星展有 3.25%
每間放十萬, 都好過定死半年 !

ah man 提到...

阿媽話定左星展 2個月 3.4% !!!
好似話定1個月3.42%
間間開個戶口, 唔掂喎咁.
我諗住放D 錢係阿媽度.

Lisa 提到...

每人十萬保障, 安心好多 XDDD !
真是銀行風雲 !

ah man 提到...

見過阿媽, 睇左定期文件.
佢就係分幾間銀行定.
交通定一個月十萬 3.375%
如 $50萬 4% 加送百佳$600須定一個月.
高息到嚇親人 ~

Lisa 提到...

你媽咪好精明 !
為安心吾好貪便宜啦 !
依家連港元定期息都高過美元息啦 !
見到 d 雷曼苦主示威, 我在諗, 如果有銀行破產而個班大戶存額又會做 d 乜呢 ?

ah man 提到...

佢精明到叫我去開個戶口 @_@
結果佢幫我定左有3.423 %

銀行唔會破產, 任生點都要頂住呀 !

今日am730 有一版講 恆生有QFII 中國人民幣債券基金, 只限優月理財先買得,全港得佢有.. 云云
見到都驚 .... !!!!!! 乜QDII, QFII 唔係中國人來香港投資咩?! 幾時倒轉左架 ~

Lisa 提到...

剛才 NOW 財經都有介紹,
最大問題係, 個基金不只買國債, 還有買企業人債, 所以風險好大 !

ah man 提到...

嘩 ~~ 我很怕大陸野, 有入冇出已經是指定動作!