細價蚊型舖仔, 尋寶熱

蘋果日報全文

在完全進入零息年代下，資金急謀出路，最近細價蚊型舖仔忽然受捧，投資者主要貪其細細注兼享高回報，更可博物業升值，成為不少投資新手小試牛刀首選，市場正掀起新一輪舖仔尋寶熱。
細價舖仔成交激增回報 4至 10厘

「最近樓價升咗咁多，而家想用百零二百萬，買個好少少嘅市區住宅都好難搵，但如果用嚟買個舖仔就變得好抵買，因為舖位始終投資價值較高，加上現時回報不錯，銀碼又細，好適合一般普羅大眾。」美聯工商舖行政總裁黃子華分析說，近期舖市可以用「坐和望贏」形容，最近細價蚊型舖成交量增加，其中 200萬元以下舖仔，自今年 3月份開始，樓市復蘇，交投更明顯激增，佔整體舖位成交量約四成，成交主要集中二、三線街、環頭環尾等地區的民生消費，租金回報由 4至 10厘，勁過不少一線街舖王，而這些細價舖仔面積由數十方呎至數百方呎不等，銀碼甚至低至 100萬元以下也有交易。

舖仔也有抗跌力

他指出，近期細價蚊型舖成交活躍，每月成交量比起大手成交更多，反映這類非核心區舖仔也有其市場，雖然舖價、舖租、升值潛力難與核心區旺舖比較，但始終仍具有一定保值能力，當大市上升時，這類細舖同樣會跟隨上升，相反，當跌市出現時，舖仔也有抗跌力，因為舖位有別其他物業，屬於非損耗性消費，經濟不景一樣可以錢搵錢。
買蚊型舖注意事項
－親身視察人流－

細價舖仔為投資舖市入門版，買家大部份為投資新手「小注怡情」，黃子華教路，買舖前一定要親身到現場視察環境及人流，如果附近吉舖處處，可能危機重重，相反，若人流強勁，即使現有租客不續租，日後再找租客亦不困難。這類環頭環尾舖仔租客大多是小本經營，如小食店、士多、洗衣店、文具店、車房等，如舖位有租客可留意店舖營運情況，計算其每日生意額，從而推算每月租金是否合理。

－留意僭建物－

「曾經見過一個舖位，竟然離譜到成個舖都是僭建出嚟，細心查看之下，原來只係一個天井位。」黃子華指出，有些業主會將僭建物當作部份舖位，令原本舖位面積看起來更大，常見做法是將整個貨架推出店面外兩呎，長期佔用部份路面，這種增大舖面三分一方法，有時亦難以即時察覺。由於僭建物非易於察覺，買家在買舖前應先向代理索取物業圖則，以核對舖位真實面積。另外，有關舖位業權亦可交由代理核實。

－小心估價不足－

黃子華稱，由於細舖面積太小關係，往往令成交呎價過高，例如一個 50方呎舖位，成交價 200萬元，呎價便高達 4萬元，故銀行未必估足價，若買家決定非買不可，應事先準備更多首期，以免失卻預算，不過，他提醒，通常銀行差額在一至兩成內仍算合理，若差價在兩成以上，則有可能業主開價過高。