深圳網購宜家傢俬 有驚無險...

1.05米圓餐枱, 1299人民幣, 自己按裝時間15分鐘...

會議椅, 499人民幣, 自己按裝時間10分鐘...

荼几, 599人民幣, 自己按裝時間15分鐘...

木梯, 299人民幣, 自己按裝時間一個半鐘...勁難裝, 因為螺絲成日移位或轉唔到入去, 要用好大氣力才成功, 所以一定要兩個人一齊裝.

想自己按裝宜家傢俬, 一定要有經驗, 而本人以前在荷蘭自己按裝過一些衣櫃和在香港自己按裝過梳化床 ...佢有圖俾你和配件, 照圖做就可以啦...

本來想在香港用電腦訂貨, 點知驗證唔到, 最後用手機APP訂咗, 而微信俾咗錢, 也check到送貨時間是在下午1點至5點...10號訂貨, 11號送貨...說送貨三個鐘前會聯絡你, 所以11號早上9:30開咗深圳漫遊, 也收到訊息, 俾咗送貨師傅的名和電話...11點出門去深圳前打了個電話俾師傅, 佢話4點半會送來...我地出門過關, 去深圳的家繼續清潔和拾野, 2點出去食飯收到宜家的訊息說, 抱歉唔能夠送貨; 打了個電話俾師傅問佢會唔會送貨, 佢話會送, 3點半會到...而佢真係送貨來, 但只送了13件貨的4件...餐枱、茶几和兩張白灰椅...張單也寫清楚呢幾樣野...本人說, 無訂呢種椅, 叫佢攞返去...佢說:我只負責送呢些貨來...再嘈落去都無用, 所以簽了張單...同老公拆開餐枱盒和茶几盒, 睇下有無錯...收到宜家訊息:你的訂單已配送完成...用手機打去宜家熱線, 又按1又按2又聽唔明佢講乜...最終叫老公放抵啲野回香港家, 打了IDD上去先聯絡到服務員, 原來其他貨物和個兩張椅的坐板經順豐送出...拿了順豐師傅的電話打IDD俾佢, 佢話打俾我無人聽...最後好彩地產朋友, 因為上次落大雨, 外牆有滲水, 所以還有我家鑰匙, 可以開門俾順豐送貨...今日又過關去了拆貨, 而全部貨已收到... 

睇來要去一轉南山龍井宜家實店, 因為想買梳化床, 而廳個個呎吋唔可以有差錯, 唔係會放唔落, 也要請師傅來按裝, 因為太複雜了...