港匯弱勢又破位 係咪有資金流走？

on.cc東網專訊

坊間不少投資者參考港匯走勢看資金流，今日港匯弱勢又破位，係咪有資金流走？《東網》即時同你拆解！

【港匯今日咩環境？】
港匯表現疲弱，今日再度跌穿7.77關口，最低見7.7717，為去年6月之後的新低，然而，1年遠期港匯溢價持續強勢，最新擴至逾350點子，即交收定價高達7.7350。

不過大家毋須擔心，聯繫匯率保證港匯在7.75至7.85之間波動，中間位則是7.8，現時港匯雖然跌至7.7717，屬較近於7.75的強方兌換保證，所以港匯仍處偏強水平。

【點解現貨遠期背馳？係咪資金流走？】
香港銀行財資市場部主管解釋，季結臨近令市場對美元需求上升，加上美元倫敦同業拆息向上，有投資者先將資金配置在美元，遂先沽出港匯即期，再購買1年港元遠期對沖外匯風險，令港匯即期及遠期走勢背道而馳，反映相關資金有意1年回流港元。

【仲有咩原因令港匯弱勢？】
美國加息步伐可能加快，或觸發套息交易同港元資金流走。

美國已加息3次而香港未有跟加，加息預期升溫下，銀行及機構投資者就會部署進行套息交易，沽港元、買美元，並且敍做存款或購買美元債券，令香港資金流走及港匯轉弱。