其實呢個名是大大的誤導, 因為萬象城原來是一個大商場, 內有好多名店和香港的商場差不多, 而書城是在外面同條街的大廈內, 但由地鐵站行去須穿過個商場 !
我同老公在國貿站坐地鐵去大劇院站, 由C出口行出去, 就見到個牌指去萬象城商場 !
在商場內一路直行到尾見到有間百貨公司和外國 Ole 超市, 到呢到要轉返轉頭由剛行過的電梯上一層, 之後行出大門後轉左 !
你就會見到右手邊有間Cucci, 一路直行到金山大廈, 就是書城啦, 所以應該叫[金山大廈書城] !
一直行入去經間中信銀行後, 由前面上電梯(金山大廈有兩個出口), 上面2、3、4樓都是書, 而我地又一層層咁搵 M 層 ?
最後在頂樓搵到啦 ! 呢度要由樓梯行上去 !
在樓梯口你就會見到呢個畫面 :
上咗去行入去, 好多檔仔賣郵票、錢幣和電話卡 ? 再轉左, 行入去最後面個度, 見到有位大叔個檔似幾老實, 在檔後面有兩個大夾萬, 所以停下來問價錢 !
藏羚羊 1000 人民幣
2011銀熊貓 285 人民幣
銀梅花龍 1200 人民幣
老公說: 千二咁貴 ?
我說 : 你都唔知在香港賣的價錢 !
所以大家如想買中國幣, 可以呢度買, 因為價錢應該差不多啦, 唔知可唔可以講價呢 ?
註:開放時間早上9點至下午6點 !
膠盒就無得賣, 只有有白墊的圓盒, 可以自己調整大小個隻, 不過無咁靚啦 !
10 則留言:
lisa
太好了。有了路線。就先去中國銀行開戶。然後再到書城走一轉
想問。中國銀行有無網上銀行服務。例如續定期的呢。之期我在招商開了戶口。但網站在香港的繁體電腦認唔到。極唔方便
回旺旺,
中國銀行當然有網上銀行, 我老公都用來check 數, 不過定期我地就唔會用網上, 費事俾人hack 走 D 錢 XD !
旺旺,
妳的電腦應該沒 set 好, 如用 windows 的, 可以加入簡體字形就識認簡體啦 !
舊年我去過一次,買書順便上去,想買隻熊貓,
又怕假貨冇買,你好勇呀,唔怕買假野?
Lisa,你好！我係新手，你個網頁提供了好多有用資料。學到唔少野。以後會多來發問，希望指教。
我就用工商銀行, 有網銀, 全服務齊. 用u盾, 安全性高, 而且工銀全國網點多, 去旅行的話方便d.
歡迎 happyqhk :)
回Kim,
我在廣州用工商銀行卡戶口(無簿無紙的一種戶口, 只用一張卡入錢取錢), 又有工商銀行火車信用卡, 方便去廣州玩 !
回孟虎勇士,
當然驚假啦, 所以建議上去買銀幣的人帶個磅仔去 !
我揀呢位大叔檔, 因為佢貨種好齊, 而只有年期長的商家才會有多款類 !
唔好揀個 D 只有一兩種幣的, 但數量就好多的, 因為想作假就是資金短缺, 而買一大批多數會平好多 !
Lisa,
你話係書城錢幣區， 問價既果檔大叔， 係咪係“勁松” 對便果檔？
張貼留言