Intern唔吼投行

on.cc東網專訊

【on.cc東網專訊】 想入金融行，做Intern(實習生)係踏腳石，以前個個爭入投行實習爭崩頭，喺美國，依家投行無人吼，事關啲名牌大學尖子嫌喺投行實習無料到，齋對住個 Excel入Data或搜集公司資料整Power Point，彈呢啲嘢唔使用腦「連馬騮都識做」。

咁呢班未來華爾街才晉覺得，邊度做先唔屈就？答案係Buyside，即是對沖基金、私募基金嗰啲，總之唔係屬於Sellside嘅投行啦。啲未來才晉話喺 Buyside做Intern，有得做分析嘢，兼夾連實際投資決定有時都有得參與吓，將來揸旗做大買賣賺大錢嘅機會都多啲喎。

哈佛大學商學院畢業生一向係華爾街搶手貨，今年佢哋應屆畢業生就只得4%有諗入投行，而最叻嗰5%尖子中，仲只得一個人吼投行！不過，高盛就話今個暑假，佢哋Intern位得唔夠3千個，但就有成近6萬人爭添。

「連馬騮都識做」？係真唔係？歡迎投行做過Intern嘅，嚟話過大家知。