論收租

見到一班多數沒收過租的人在討論物業收租是多麼的不好, 真是太主觀了 !

當然無個投資只是利而無弊處, 但一面倒只是說壞處是誤導人, 而只說好處也是誤導 !

每一種投資都一定要親力親為, 才可以得到世間財, 而最重要的也是一個人的自身健康 ! 無咗健康, 你有幾叻都好難做好投資 !

老公在生病時會罵到: 叫仔女返來幫手收租, 咁多野要搞 !

知老公性格, 本人只望佢一眼, 無出聲, 只想: 投資是你自己選, 又唔關仔女事的 ! 老公又是家中尾二最細, 所以也多少俾父母錫壞, 成日小事誇大, 做小小事大大聲, 要全世界知佢好辛苦 ! 而本人是家中最大, 所以做事遇難題只會咬實牙過關 !

近來老公記性開始變差, 所以本人決定同佢一齊出去搞租務事 !
本人同佢說, 俾多十年仔女養大佢地小朋友, 到時佢地會回來接手租務, 而物業也會慢慢轉俾佢地 !

今日兩年一次的續租合約也簽完啦, 租金也加咗 !

今日反對人收租的人也同2005年時的人無乜分別, 一大堆理由叫人唔好收租, 說乜: 好大支出, 管理費呀, 維修費呀, 物業稅呀.........

當然, 依家先來買樓是遲咗, 也不是最好的 Timing !

本人都在儲錢想買多間住宅俾仔女住, 用來投資的物業就唔會買啦 !