2010年9月2日 星期四

新聞是用來分析的

有人說, 我日日貼新聞是多餘的 !
其實我是想証明, 就算散戶, 唔識睇財務報表, 唔識計乜PE、 乜ROE, 都可以在市場賺到錢 ! 只要有遠見, 好好過慮和分析網上消息, 一樣可以賺錢 !

股市
股市暫沒脫離下跌風險, 日本、美國、中國都有自己問題 ! 中國又唔想樓市大升, 又唔想樓市崩盤, 進退兩難, 所以銀行都難做 ! 現銀行缺水又買保險股, 保險錢多又去買銀行股, 已到銀行保險分不清 ! 所以呢兩樣股本人暫時都唔會買 !

金市
睇圖(謝 Goldman) RSI 已去到高位, 所以短線或會回吐, 而要回吐完才可以展新升勢 ! 所以想買都等低位, 不過手上的貨如唔係重倉就唔會沽啦 !

外幣(唔係炒孖展的外匯市場)
長線睇好澳元和加幣, 而人民幣等於港幣來儲存, 因為長線都睇唔好美元 !

樓市
只要唔係做重了按揭, 又唔係炒樓, 自住的照自住, 出租的照出租, 管他通縮或通賬 !

8 則留言:

gogoldjoe 提到...

點會係多餘!生活忙,那能日日睇報紙,就算有睇,亦冇可能全部睇晒,大家互相分享經過消化的新聞,對投資好重要。

Kai 提到...

懶人唔想睇咪由佢地囉, 無懶人, 勤力個班點贏錢?
:)

其實樓市, 自住都要走勢, 除非有能力一步到位買大單位, 否則都要睇市況慢慢換上去. (等同妳所指的, 唔好做太重按揭)

Lisa 提到...

回Joe 和 Kai,
好開心有人欣賞我貼文 :)
其實貼文第二個用途是記錄有用的消息 !

回 Kai,
我住過三層高別墅, 清理多功夫, 郊外又多蟲蟻, 唔適合我, 所以兩個人住, 三房單位已好夠啦, 又唔曬搬來搬去 ! :)

愚人 提到...

Lisa,
完全同意你的貼文,讓其他人也可參考. 亦可作自己日後參考之用. 我每天都看你的貼文, 讓我得知市場上的資訊,用作分析, 從而作出各種決定. 在此謝過.
Apartment 當然比house 好, 不用花太多時間清理. 出門旅行一關門即可.

Amy 提到...

其實要多謝Lisa姐, 上班一族根本無時間睇咁多份報紙,妳幫我省咗好多時間. 同時我覺得投資係要睇多D 國家政治及經濟方面資料, 方能加以確定投資方向, 唔係單看投資經紀.....由佢話升OR 跌, 錢唔係人家的, 自己分析好D......

Lisa 提到...

謝愚人和Amy 的回應 :)
剩我得閒會繼續貼有用的訊息 !

悠閒達人 提到...

我和你有同样嗜好,我仲鐘意貼專欄作家啲文, 不過驚有版權。
而家正在行緊你94年嘅路, 見你建議上港交所課程, 所以会照做。
剛認識你嘅blog, 要睇晒啲文,都有排。

Lisa 提到...

回悠閒達人,
祝你成功 !
就算考個牌唔做經紀, D 知識都好有用 :)