2011年11月13日 星期日

Cougar 美洲獅

又唔係太醜啊 !
起碼好便宜 310蚊一個, 而又9999純銀 !
限量發行一百萬枚, 大小同加拿大銀楓葉一樣 38mm, 是加拿大野生動物系第三個發行的銀幣, 而下一年會再發行多三隻, 一共六隻 !
第一隻是 Timber Wolf, 大受美加收藏家和炒家歡迎而價格炒高咗一倍, 而依家想買要在ebay買或好旺角中心賣成750蚊/800蚊一枚, 所以第二隻 Grizzle Bear 一出就俾人掃曬 !
呢隻因為大家以相評論是好醜, 所以少咗人搶買, 不過買幾枚收藏, 將來可能有意想不到的升值 !

呢三隻銀幣和楓葉銀幣都俾人發現有 milk spot, 是在鑄幣時形成的, 所以買時好好驗幣, 而之後如有現出白點, 可以用摸銀布清潔 !

17 則留言:

TAXI-DRIVER 提到...

請問呢隻加拿大野, 會唔會好似楓葉咁有 milk spot 架 ? 我有d 楓葉有呀 ~~ :(

Lisa 提到...

回TAXI-DRIVER,
我買個地無事呀 !
你可以在買時驗清楚, 有問題叫職員換啦 :)

honson 提到...

呢隻肥C...個人觀感,一隻就夠

牛奶點我的楓葉都有.重係有套添

Master NLP 提到...

Me too.

Yan 提到...

中銀有套都有milk spot?
唔係化?
咁仲算唔算condensation呀, 密封架噃.

又問吓大家, 有得揀會買什麼Bullion silver coins?

謝謝

Lisa 提到...

回Yan,
我樣樣都買 D :)
如果買銀幣只為純銀保值, 我會揀買時個moment 最平個隻, 好似在Kitco 無貨時, 就係樹熊最平 ! 而依家最平是 Kitco silver round !
但有D bullion 銀幣靚到可以當 numeristic 來收藏, 所以我樣樣都會買, 放圓膠盒夠名貴, 送俾親人一流, 唔曬下下都買貴貨 !

鬍鬚仔 提到...

密封又點?祗要有個針孔咁細之口,就有機會氧化,你有冇見過十幾二十年前有膠套既楓葉,成隻黑哂.

Yan 提到...

有套都克曬
只要中銀肯收
又無所謂

但如果唔收, 就唔買嗱
隨時克左都未放啦

同金幣一樣, 膠套都真係唔係咁穩陣

chapman 提到...

我買果時都有一個有白點,換咗.

另外,同kitco職員吹咗幾句,早一陣子,有一個客人,一次買咗7000,(係七千)隻SML,真係好堅 (@-@!)

Lisa 提到...

在今年二月時, 鬍鬚仔同我講, 好旺角吉祥有澳洲生肖銀幣賣, 而我去掃曬個幾個舊幣搞到鬍鬚仔自己買唔到貨啦 !
當日見到我亞姨和舅父, 因為同佢地好多年無見過面和無送過野俾佢地, 所以就把一個一盎司牛幣送俾亞姨和一個一盎司第一期鼠幣送俾舅父 ! 當時兩樣都 380蚊一個, 而依家隻牛幣升到去五百幾六百蚊一個, 但隻鼠就要八百幾或過千才可以在ebay買到, 而幣店就週圍都無貨 ! 所以可以睇到個別 bullion 銀幣的升值能力 !

鬍鬚仔 提到...

Lisa
而家唔單祗 2 輪鼠冇貨,連 2 輪虎市場都唔見,聽聞有大陸人落單,要收齊 2 輪生肖幣,佢地一吹鷄,d 2 輪生肖馬上上升,連隻兔仔都被炒上 $500,大家有集齊 2 輪生肖既,好好坐穩,隨時有意想不到收穫.

Lisa 提到...

回鬍鬚仔,
原來十二生肖最賣得是龍和虎, 之後就是兔和蛇 !
當時我唔喜歡虎, 所以東洋有10盎司虎都唔買, 真蠢 ! XDDD !
依家我地由投資者, 慢慢變為收藏家, 真妙 !
見到在Kitco 前幾間舖新開咗個好細的舖, 賣酒, 郵票和銀幣, 一個一公斤銀龍賣 16,000蚊和一盎司銀龍賣 880蚊, 真痴線 !

Master NLP 提到...

Lisa,請問知唔知fat C的發行量是多少隻? 謝謝!

Lisa 提到...

回nlpsonia,
一百萬隻 !
Timber狼, 灰熊都是每樣一百萬隻, 之後會出多三隻, 一共六隻 !
睇來都幾受收藏家歡迎 !

Master NLP 提到...

那如果miss 了timber wolf,那就不能儲夠一套? 在那裏可以買回timber wolf?

Lisa 提到...

回nlpsonia,
妳提過的國際錢幣, 佢地由加拿大帶過來, 所以好貴, 750蚊一隻 !

Master NLP 提到...

謝Lisa! 原來國際錢幣有. 我好久都無去好旺角. 個老闆娘成日去加拿大 :)