大鱷要你滅亡 先要你瘋狂
本人在1998年亞洲金融風暴, 輸咗一百幾萬, 因為之前沒經歷過股災, 所以沒識驚, 炒股動用孖展, 才輸到一敗塗地, 好彩一早分散投資, 而物業投資個part已幫本人贏返一切, 依家本金已收返, 所以手上全部物業已等於免費 !
2006-2008年本人已遠離股市專心買實金和澳元, 所以個幾年的利潤來之黃金升值, 無在股市由16000升去32000時賺到錢, 不過也避過2008年的股災, 由32000跌去10000 !
2009年本人才在低位買返少少股票, 賺咗十幾萬, 而在2010年沽貨離場, 之後無再買股票啦 ! 依家專心收集金銀幣, 而不打算再叉隻腳入股市, 話知佢升去四萬點 !
2008年至今又過了6年, 好多沒經歷過股災的年輕人又在雄心勃勃, 有不少人按樓買股, 所以情況絕不樂觀, 因為下一個股災又要不知有幾多人輸錢 !
股災要來時, 唔會預先說你知的, 所以想買股票最好用多餘錢, 輸咗都唔會上身 !
42 則留言:
我現在滿手 Short Call，你最好股災。
股災可以在10月後才發生 :)
記唔記得[直通車], 當時消息一出, 全世界撲入市, 之後無咗件事就跌落來; Buy on rumor and sell on fact !
RSI和MACD都去到高位, 可能要先調整才再炒上, 到全世界入曬市才來大跌, 先殺淡友, 後殺好友 XD !
lisa真有米，我都想有一百萬可以輸
依家D人講緊一千萬財務自由, 所以一百萬又算得乜野 ? :)
真係睇到好多後生 趁以家樓價高加按套現買股（好恐怖係叫父母套層樓按）出來。而且好多連錢按左出來連買乜股都唔信唔做功課上網問人。唉
揾首期已經好難，一千萬真係...
而家D股又牛皮，想增加收入都唔易
仿2007劇本：
8月佔中大震倉->還記不記得817大奇跡日，單日跌1400點再反彈1000點？
9/10月一團和氣+直通車憧憬，爆上
10月尾過完結算滬港通夢想破滅
好淡通殺
終之來緊一定大上大落, 所以入咗市的人一定要綁好安全帶, 免得俾人飛出市場 !
語重心長.thx!
但keep cash 都會蝕
買實金實銀和做人民幣定期啦 !
投資是睇將來, 而唔係只睇今日 !
我同意先回讓全民皆股后炒上再跌，死得慘烈D，最快15年中！加上咁多天災人楇，不遠矣！一千萬係談不上財務自由的
財務自由不在於你有幾多, 在於你需要幾多.
估唔到咁都看不透, 難怪你地終日為金錢煩惱.
人仔仲廢紙過美金
美國佬都唔再買債退市
回嘉芙蓮,
一千萬可以財務自由, 不過唔可以用來退休, 因為退休須計你每月可以抵消通脹的現金收入 !
還有個D有小朋友家庭, 須計供書教學的用費 !
個D3千蚊全民退保得啖笑, 因為好快就會唔夠用的啦, 到時攤大手掌同你攞5千....8千....一萬....
好多人須養自己父母之外, 還要養人地父母 !
個D老人津貼, 都已使有錢的老人家, 有錢無定洗, 我老公早早晨運後日日俾人請食免費早餐 !
苦口婆心！忠言逆耳！啲人通常當耳邊風！
回Joe,
D新人唔會信你, 以為自己發現新賺錢技巧, 所以沒經歷股災, 想親身試下 :)
怕就怕, 呢次股災, 一定好多人須賣樓填數, 到時會拖垮樓價 !
所以要避免借貸就是啦 !
如果系拖垮樓價,甘咪可以上樓囉
回 jACK chio,
如果你夠資金就可以買囉, 不過多數在樓市下跌之時, 銀行借錢難 !
有時講多勞氣不如save some gas :) 吾通又由十九世紀開始講咩😅
聽說歴史是螺旋型循環的，哈哈
要學懂走路，當然要學懂跌倒
謝謝Lisa你的支持。
回散仔,
難得又見到你寫文:)
我就係要D人知, 年輕人點樣可以投資物業攻富的, 睇來你無一億都有幾千萬啦 :)
你仍然是口直心直，充滿正義感
我估我好間唔中先寫一篇半篇
香港嘅發展令人憂心。現在的人只想分配財富，沒有創造財富的概念。
長此下去，香港比起其他地區，只會越嚟越窮。
比起股災, 我諗呢幾年畢業的後生仔, 未見識過市道"轉差"將會有幾難生存.
通縮可怕定通脹可怕?
高樓價辛苦定賤物鬥窮人辛苦?
總要經歷過先明白.
係囉, D人沒知失敗是唔會低頭的, 睇來我都幫唔到幾多人 !
個D叫解放軍走的激進派真係唔知自己在做緊乜野, 簡直是瘋癲 ! 無咗中國的強勢軍力, 中國好快會俾人瓜分, 到時香港人又點可以生活的自由自在 !
97前冇解放軍香港都生活得好好
當時有英軍, 而香港不見得有民主 !
香港冇民主，但有錢
而家香港冇民主，仲要冇錢，財富極集中
回John LEE,
呢個是全世界的現象, 不止於香港, 而香港算是最好的一個地區啦, 所以我成日貼外國新聞, 等大家唔好成為井底之蛙 ! :)
香港點會係最好的地區，就算唔係最差，唔代表唔駛改，香港經濟世界頭十名，係惟一一個冇民主的地區，養埋一班做錯唔會落台的官員，出賣港人利益的議員，同謀取暴利的壟斷企業，如果有民主，就唔駛要賣港的建制派同收錢的泛民啦
呢個世界在變緊, 而睇唔到的人將來只會吃虧, 窮者愈窮 ! 歐美專家都說, 下一個二十年, 不會似是上一個二十年, 所以大家須跟住變 !
個D只睇幾本價值投資書的人, 以為借錢買入多多股票就可以將來養到老, 可能將來要失望, 因為世界金融都會變 ! 股市升是因為政府在印錢製出來的槓桿, 將來要還的 ! 樓市都一樣會受到拖累, 不過己供完的樓或低價買入的物業一樣可以收租賺現金流, 除非俾物業location 拖死, 所以買樓一定要在旺地區, 有租客的保證 !
股息是否有保證我就唔知啦 !
回John LEE,
請你睇多D外國新聞吧, 唔曬我解說, 好多民主國家都亂七八糟!
每一個國家都有問題嫁啦，民主國家亂就唔要民主?係咩野邏輯?非洲夠有好多獨裁國家打緊仗，大陸年年流幾千億美金出去，連常委都貪污又唔亂?而家有咩國家唔亂先?我諗只有神的國度先唔會亂，咁係味應該全部人上天堂哈哈
有人只買股, 有人只買樓, 有人只買金銀.
大家目的都係想生活得開心, 隨個人喜好吧.
我對民主派三大反感：第一是因爲25年前被民主派出賣；第二是因爲民主派把所有複雜的社會問題全部歸咎于有沒有民主，如果不是幼稚就是別有用心；第三是因爲民主派把持輿論不遺餘力打擊不同言論，背離了民主是要讓人發聲的本質，奉行雙重標準。
不惑之年，越來越覺得社會經濟政治的運作是一個奇妙的系統，自我破壞的同時自我修正。處在一種悟到有道的邊緣，但伸手還抓不住。反朴歸真是兩點：活在當下；秩序為上。
第一點是說要對家人朋友工作全心投入，因爲不知何日就會發生巨變，比如我合作最緊密的公司有一大群同事跟著馬航失聯客機從此消失。第二點是說只要還存在一絲可能，就堅定支持社會的法律秩序不能變，動蕩會摧毀人的相互信任和價值觀，貽害無窮。
回 Samuel,
So sad :(
建制同泛民都係禍害，冇民主，兩邊都要繼續害人
香港是福地, 大家須感恩每一個美好的一天 !
認同Lisa.
好的東西要好好珍惜.
張貼留言