朝代不經不覺在改變 !
on.cc東網專訊【on.cc東網專訊】 如果喺香港都用唔到港幣，咁仲可以用咩幣嚟買嘢？話說有facebook貼文流傳指，用女王頭1蚊硬幣去買麵包，怎料店員稱個女王頭硬幣不是港幣而拒收， 貼文引起網民熱議，不少人着貼主儲起不要使用，指日後會好值錢，亦有人嘲諷「新香港人」不識舊事頭婆，串爆店員「係咪火星嚟？」
網民 PepeFong在fb群組「小心駕駛(討論別人駕駛態度)」分享上述發貼，內容稱貼主用女王頭1蚊硬幣去買麵包，「阿姐同我(貼主)講唔係港幣唔收，我 話係，佢話唔係堅持要我換，真無奈」。大批網民看罷紛紛質疑個阿姐是新移民，「英屬時代阿姐仲未落嚟」，更寸爆阿姐：「最可怕的不是蠢，而是無知。」
亦有網民鍾情呢款貨幣，亦好抵得諗話要用2蚊同貼主換。嘩，升值咗一倍喔！更有網民大晒冷，晒自己所收藏的舊貨幣，有網民晒出一大堆「青蟹」，舊20、50、100元紙幣，指要去買麵包，隨即有網民笑稱：「今次實餓死，同軍票一樣變廢紙。」
沒有留言:
張貼留言