其實股市是大鱷搵食的地方, 大上大落, 廿年來無大進展 !
好運就可以賺到餐飯, 唔好運就要輸突 !
on.cc東網專訊【on.cc東網專訊】 8年前的今日，雷曼兄弟宣布破產，為金融海嘯揭開序幕！近日港股再驚現大跌市，當年股場地震、股友輸到要「斬手指」戒炒股的感覺猶再浮現！《東網》今次找 來縱橫股場多年的8名投資者，發覺飽經跌碰後終可「翻身做好漢」，更歸納出致勝秘訣！
● 8年後你翻身未？
【金融海嘯輸掉50萬】
缸湖鬥士Ray：「當年我用孖展炒股，最激心係復星國際(00656
)，入咗近30萬元貨，輸足一半﹗」致富證券將軍澳分行助理經理梁柏樺(Ray)直言最初急跌又冇走，「等到其後被逼斬倉，都唔想再掂佢。」金融海嘯一役，他輸掉近50萬元，如今整體投資仍未回本。【揸兩桶油仲未回本】
魚缸戰友Aaron：「過去8年我斷斷續續入油股，如中石油(00857
)及中海油(00883)，兩隻都喺10個幾買。而石油股股價一路低殘，所以咁耐都未回本！」致富證券九龍城分行經理Aaron坦言。【見到隻騰訊就揼心】
魚缸精英蔣先生：「之前渣打(02888
)股價跌到就嚟暈低，我都輸咗幾萬蚊。至於隻騰訊(00700)，就更加好揼心，次次見其股價爬一爬又驚，幾次都係揸一排就放，我幾十蚊，幾百蚊都入過。」【好在揸住呢隻股】
資深缸客鄧先生：「08年至今，我一直堅守輕裝上陣原則輕鬆炒股，投資佔整體投資1成以下，至今累計回報有1至2成！」談到「最愛」，他劈頭數滙豐控股(00005
)，「好彩有佢！多年嚟靠佢食咗好多轉胡，賺得最多，近年先後喺60幾蚊同40幾蚊入過，每次都可以賺股票十幾蚊﹗」另「第2愛股」算是長和(00001)。【買錯股輸身家】
穩 陣派愛姐：「炒股咁耐，未見過人賺到層樓番嚟，輸到趴街嘅就比比皆是！」愛姐又以「心死」來形容自己對股海的感覺，她個人近8年投資只可打個和，而近10 多年認識的股友，沒有一個在金融海嘯至今翻到身，「以為近月升幾千點魚缸友實贏到笑？其實賺錢的少之有少。」她總結，買股票千萬要選有資產淨值的股份，起 碼「爛船有三分釘」，即使股價跌，亦能有派息幫補一下，最差情況也不致於輸身家。
-----------------
● 8年過去，必贏公式係‧‧‧？
【揀炒大價股】
荃灣股神陳志強：「炒股咁多年，發覺點都係炒大價股會比較易賺，因個市同以往好唔同，呢幾年好多散戶都輸到死！」
「無買咩就賺咩嘅叻人，但若有能力，有耐性，亦有大量資金，仍有大賺的機會。所以我會單睇實某幾隻股，好似騰訊、滙控、港交所(00388
)。如果某股份升一排，再低位橫行，咁就可以加碼入，博佢反彈。」【專買藍籌長線投資】
身家豐厚的禤先生：「除非你有錢，投資本金好多，否則炒股係唔會發達。一百幾十萬，會賺到成千萬？我真係唔信。」他續說，他從不投資創業板股，覺得貨源歸邊，不適合散戶跟炒，且風險高，未必回報高。
禤先生自稱是股神巴菲特的追隨者，以長線價值投資為主，專買藍籌股。「啲錢放係銀行無息收，我只係想跑贏通脹，地產股賺3厘都算滿意喇！」
【尋找高增長潛力股】
小富婆Rita：「內銀、工業、石油等國企嘅，都係舊經濟企業，睇唔到佢哋有咩潛力同增長動力。」她續說，「優質股少咗好多，難搵明日之星。」所以她表示，進退有道是良策，時刻緊貼市況，再低買高沽。而她已在美股中尋找高增長的潛力股，例如Apple (AAPL)等。
================
【金融海嘯小檔案】
環球金融海嘯於2008年出現，又稱次按危機、信貸危機；該次金融危機於2007年8月9日起浮現，事件令恒指由31,958點歷史高位反覆插水至2008年10月的10,676點。
在 美國次級房屋信貸危機爆出後，投資者對按揭證券價值失去信心，在人心惶惶下，引發流動性危機，即使多國央行多次向金融市場注資，亦無法制止危機爆發，直到 08年9月，危機開始失控，導致多間大型金融機構倒閉或被政府接管，引發經濟大衰退，其中雷曼兄弟爆煲破產相信不少港人仍歷歷在目。
沒有留言:
張貼留言