樓市就爆？湯文亮︰15%印花稅係黎明前的黑暗

on.cc東網專訊

紀惠集團行政總裁湯文亮晨吉咁早起身寫稿，接近6點，天色突然變得漆黑，當時正思考港府點解在去年11月無端端推出15%新印花稅，於是靈感驟至，撰文「15%印花稅是黎明前的黑暗」。

湯稱，港府推出15%新印花稅，令不少打算買樓的業主打退堂鼓，但地產商變招推出「一約多伙」，令新樓銷量轉佳，樓價續飆，政府其後不得不取消「一約多伙」。雖然有話用借人頭方法解決問題，但用他人名字買樓，危險性相當高，講下就可以，唔會有人做。沒有「一約多伙」，新樓銷售將大幅下降。不過，市場上就睇唔到，因為地產商會因應市況推新樓，所以只會睇到超額認購，一個滿堂紅的格局，而事實上還有很多可供發售的樓花靜待時機。

湯指出，政府推15%新印花稅，原希望幫助初次置業者上車，這個做法一定會令成交量大幅減少，業界可視此為黎明前的黑暗。在政府堵塞了「一約多伙」的漏洞後，新印花稅就會發揮應有功能，在經過一段成交量偏低的時間，若樓價下跌，供應量增加，政府就會撤招，而樓市就會回復正常，就會發覺15%印花稅的確令到樓市變得黑暗，但這亦是黎明前的先兆。