近來寫咗好多關於金銀文, 而都要說一說樓市, 因為有幾位網友問本人點睇依家個樓市 !
如果睇返我之前在[投資手冊]中寫過, 投資乜都要跟 Timing, time 錯時間, 輸多過贏 !
在樓市來睇, 成個勢已去到牛三尾, 所以大家行事要好小心, 一唔覺意, 可以輸得好慘 ! 當年日本樓市去到高位, 一層樓須供三代, 最後都跌市收場 ! 不過會否出現黑天鵝 ? 無人會知 !
依家因為預期通脹會好勁, 而物業是抗通脹的工具之一, 所以已供甩的物業, 可以繼續持有和收租, 但依家先去買來投資就要小心啦, 除非你供得起又迫住要自住 !
97年時全港炒樓, 而樓價在高位時都好多人走出來嘈買唔到樓 ! 當時手持物業的多數是港人, 一個大調整, 樓價無咗 50%, 好多人輸錢 ! 經過教訓, 好多港人對樓市都腳震震, 所以在呢個升浪中, 好多人都在自以為是高位賣咗自住樓轉租樓住, 等跌市再平買返, 點知就是人算不如天算, 而呢次入市的又是大陸人多, 所以樓市是否會重演98年的跌浪 ? 說唔到俾你知, 如果可以預知我都賣物業啦 !
不過本人最理想的是, 可以在呢個升浪中賣掉有合夥人的投資物業, 換返間可以俾仔女返來住的樓, 因為合夥物業會將來承繼時帶來好多麻煩, 不過咁又會失去一部份現金流收入 ! 所以都是靠運數吧, 因為不是本人全話到事的 !
12 則留言:
點都要俾個 讚 啦！
謝猛虎 XD !
超低息, 失業率低之外, 即使重災區TKO, 居屋或者早期的私樓業主都接近供完了. 而且呢幾年的生B潮都引發換樓需要. 所以, 我覺得真係要樓市大跌, 只有失業率暴升, 先有人捨得賣樓, 或者斷供俾銀行收樓.
回佳,
所以唔建議人亂賣樓, 自住樓一定唔可以賣 !
不過見到好多人太著重自住樓, 住得太貴太豪, 所以會壓死好多可以用來投資的資金 !
睇來熱帶風爆須遠離期權和股市, 而多用時間陪家人 !
十年來的壓力是太大了 !
他應該有這打算呢！
壓死資金對投資一知半解的人可以好事，起碼唔會特然蒸發。自住樓跌市都賬面數。
所以投資要睇風險之外, 還要睇對自己有無壓力, 所以我一早選咗買物業收租, 輕輕鬆鬆, 而棄股市, 因為壓力實在太大 !
Lisa姐你好
小弟想請教下,樓價下跌50%,銀行是否會追收低押品差價?即樓價下跌50%的差價.
小弟年輕識淺,望能指教,謝謝
回Ronald Fung,
銀行唔會無啦啦去追你差價的, 因為如果要日日去計 Market price, 銀行會好唔得閒啦, 而 Market price 又點去定呢 ?
但如果你突然無咗份工, 所以供唔起層樓, 咁銀行就會收你樓拍賣, 而銀行收少的錢就要你補啦 ! 如果你自己想賣樓, 而收返的錢 cover 唔到你借銀行的錢, 咁銀行都會追你差價啦 !
所以買樓, 一定要計你有幾多錢去供和如果無咗入息, 你會點應付 ?
我個時都成日計住, 手上的存款, 一定可以一次過俾返銀行清按揭, 所以唔會有膽學人整餅 XD !
lisa. 我都好多謝你
唔好愈住愈豪。都係你提我既。 同依家俾以前開心左好多。唔使再擔驚受怕。
旺旺
回旺旺,
恭喜妳呀 :)
謝謝,明白晒
張貼留言