【on.cc東網專訊】 為咗迎合數碼化趨勢，唔少港銀都開始提供視像銀行櫃位服務，因其功能全面又有助節省成本。中銀香港(02388
)現時有3個視像銀行的櫃位，年底會加至4個，以一星期7天，日日24小時提供服務作賣點，對用家來講，絕對係好事。不過，對員工黎講就唔同講法啦。中銀3個視像銀行櫃位，分別位於荃灣愉景新城、愉景灣同沙田水泉澳邨，年底前會在中環增設服務。中銀分銷網絡總經理勞秉華指，現時大概有10個員工，負責視像銀行櫃位的運作。如果用4個視像銀行櫃位計，一星期7天，每日24小時，一日最少都要有早午晚三更，再計埋5天工作，病假、假期，真係唔知嗰10個人要點分工。不過，應該唔會食個飯，去個廁所都要就住就住啩。
沒有留言:
張貼留言