【維港會】居美港人稱打完疫苗乏力肌肉痛 3日後已恢復精神

星島日報

香港的新冠疫苗計劃開展，而有網民在網上討論區「親子王國」發文，稱在美國定居已經接種新冠疫苗，透露接種第二針後身體不適、疲倦乏力，不過第三日後已經恢復精神。

有在美國定居港人表示，因為丈夫是醫護人員所以可以優先接種莫德納（Moderna）疫苗。網民說，第一次打針打完一切正常，打針位置感覺不太痛。打第二針後要休息15分鐘後才可以離開。

網民提到，當日身體正常，只是針口有點痛。「第二朝起身仲係正常，但到中午之後好唔舒服，佢（丈夫）話好似發燒咁嘅狀態，但並無發燒，無力、全程攤喺梳化唔想郁，骨同肌肉痛，好攰，面色蒼白」。

到了第三日，「精神回復9成，訓咗一晩，佢話無乜嘢了，只係打針個位仲痛緊」。現在過了一個星期多，身體狀況恢復正常。網民說，丈夫的同事都已經接種疫苗，症狀都是差不多，有一兩人無不適。網民建議，如果要接種疫苗最好在放假前2日打，以防不適可以休息。

也有網民分享海外親戚經歷，「我親戚係美國做醫護, 一月時打第二針, 又係燒咗2日。之後都冇事。」、「我男家親戚們係英國，有啲打咗一針，有啲已經打咗兩針。奶奶和另外2個親戚打阿斯利康（AstraZeneca)，全部7x 歲，都係打咗一針，我奶奶打完手好痺，傷口痛，有少少火燒，痛咗一日就冇事。另外2個親戚就低燒，一個燒咗3日，一個1日。另外幾個打輝瑞，有6x, 7x, 8x, 其中一個打完有少少唔舒服，覺得有啲頭暈，一個發燒，其他人無問題。」

有網民留言指，「真係唔可以一家人一齊打，否則有唔舒服變左無人照顧到」。

帖文轉載自「親子王國」《我老公打咗疫苗 》