今日和老公一早出去香港辦事, 之後約咗親家去飲茶和去大洋睇銀幣 ! 同老公入金銀幣店, 因為是帶親家去睇, 所以佢無反對 !
大洋2010年熊貓銀幣賣 400蚊, 而2011年熊貓銀幣賣 420蚊; 問少老闆點解 2011年的會比2010年的貴 ! 佢解釋因為 2011年的是定咗出售價, 而2010年的無定價, 所以佢地可以賣平 D ! 而如果一次過買60個, 2010年的可以賣371蚊一個, 2011年的可以賣360蚊一個 ! 因為親家須考慮, 所以沒買野, 但我剛好見到一個彩牛銀幣410蚊好得意, 當然立刻買俾小孫女當禮物 !
今早出門前, 見到股市係咁跌, 而核爆危機愈來愈大, 搞到我覺得我須做 D 野, 啦啦聲走去廚房裝咗兩煲清水, 而下午返來立刻走去超市買咗兩樽清水個心才安樂 D, 雖然個兩樽清水唔幫得幾多 !
23 則留言:
Lisa,你認為會爆發水資源危機嗎?還是有其他危機呢?我屋企只有儲糧,沒有儲水:(
nlpsonia
回nlpsonia,
我都唔知來緊會發生乜事, 只覺得乾淨的水是好寶貴 ! 見到日本搞成咁, 真是好慘 !
Lisa, 我早兩日都有啲衝動想買兩桶水...不過無行動,今日剛剛買咗幾個金幣,而家金價1391..再跌再買......!!!
話口未完gold1385,silver 33.69...仲可以去買啲楓葉銀添.....
回feifei,
睇1380有無支持 !
Lisa, 晚安
你講$420/個的熊貓銀幣是我買那款還是其它款呢? 如果一樣咪又加價~
http://hk.myblog.yahoo.com/jw!HyM_GPWGHxwyRyh4dezq1KkfSg--/article?mid=734
兔仔上
回Lisa,跌得真係好急,會吾會1375呢...其實今日都想跌吓先買架,不過今日放下午放假咪順便去買囉..都算係明燈囉...哈哈!!!
回feifei,
又有邊個可以在最高位放, 而在最低位買呢 ? 所以分段買是最好的 !
回兔仔,
母子熊貓就是 2011年的出品 :)
回Lisa, 係Lu...我都係咁諗,分段買個心會舒服啲!
回兔仔,我都有買2011熊貓,不過真係幾貴,我下次都係買番楓葉Lu...
Lisa
彩牛銀幣410蚊是否1oz十二生肖系列? 可否post 張相上來!
回CK,
好似是奧運卡通牛, 而是由飾櫃拿出來的, 所以可能是最後一個 ! 無得影相, 因為已交俾二新抱 !
我妹今日去kitco, 職員話會出兔年1kg銀幣, 遲o下會有, 另外有套楓葉遲o下都會有wo
LISA, 我今日都有衝動買蒸餾水, 感覺一日唔知一日事, 訓醒一覺日本又嚴重左, 但最終都無買, 只買左一些果汁, 飲品, 水果罐頭, 聽朝起身如果又嚴重左我就真係買D 番O黎, 不過好驚老公罵
ANN
回ANN,
我老公都說多餘, 但我說, 買咗我才會安心後, 佢無再講乜啦 !
LISA, 我希望我老公好似你老公o甘唔好追問我就好la!!
平時呢我好少放現金係屋企, 今日心血來朝都law左d 現金旁身, 費事有mud 事無錢係身, 唔知自己係咪代入左日本度呢?
仲有想提o下如果儲糧呢, 儲蜂蜜幾好!
ANN
回ANN,
我還有一樽半一公斤裝蜜糖, 因為我氣管敏感, 所以幾個月來無食蜜糖啦, 只是我老公一個人食 !
LISA, 想請教買邊隻蜂蜜好呢?
另外我上次買左一個甘乃迪1964年銀幣,個老板話靜係O個年先出 999, 其它年份都唔係, 有無人有資料呢?
ANN
Liza 姐：
你好呀！謝謝妳無私的分享！在你網誌裡學了不少知識！有天在Joe的金甲蟲網誌裡，發現妳是衛斯理迷！因我有港台和商台以往的衛斯理的廣播劇！(差不多全齊)！希望能與你分享，作為小小答謝的心意。如妳有就不用嘞！只想說句謝謝！ :)
金甲蟲網誌-金甲超人
回ANN,
我本來食開新西蘭 C字牌Manuka 5+, 但近來加咗價, 所以有次行過淺記見到有新西蘭 Manuka 5+ 雖然唔同牌子, 但因為有折($348 一公斤裝), 所以買咗兩樽, 之後自己就因為氣管問題停食了, 因為蜜糖是偏寒 ! C字俾已賣到四百幾一樽一公斤裝 !
回金甲超人,
謝謝你先 :)
我近來只是上網都用去好多時間, 下月又要去英國迎接新外孫, 所以唔聽住, 可能等我老 D 先 ;)
衛斯理的書我差不多睇曬, 去圖書館借又自己買, 還本來儲咗十幾廿本, 但老公又唔識欣賞, 說古靈精怪, 而有日佢把我的書拿咗去賣, 俾我鬧咗佢好多日 >.<
Hi Lisa,
I've bought the same product for two years, just HKD 238 in this shop (TST). You can try...
http://www.hicare.com.hk/
Gary
回 Gary,
剛才行過淺記再睇清楚, 原來我報錯價, 一公斤裝新西蘭Manuka 5+ 賣 $238 !
Comvita 在Sogo, 一田和永安都賣四百幾一公斤裝, 是舊年加價的 !
張貼留言