李居明認叻 講中地震

本人一早已貼過

蘋果日報

日本忽然發生大地震，香港雖然不受影響，不過都嚇驚好多人，有人卻擺出「早知啦」姿態，玄學家李居明噚日主動報料，指佢本《兔年運程》早有專文預言，指日本兔年有大劫，果然劫數難逃，據李居明稱，佢本運程書咁寫：「兔年日本肯定大地震，會達八級大災難。」
八方對風水玄學冇乜研究，唔敢班門弄斧，之不過覺得預言美中不足，並無說明大地震幾時發生，抑或天機不可洩漏呢？李居明又預言今年南美洲都有大地震，香港今年亦會有小地震。八方希望醜嘅唔靈好嘅靈啦。另一玄學家麥玲玲師傅本運程書就指今年五黃飛臨正東，正東為震宮，因此東部地區今年易有雷擊、地震，咁講準唔準確呢？大家可以自行參詳。