2016年7月25日 星期一

鹽浸荔枝

今日好忙, 先去銀行辦野, 之後去買一張椅, 用雙手抱回家, 因為本來的爛咗2張, 而在仔女上一次2012年聖誕返來時買返一張, 以為遲下再買多張, 點知咁快就2016年了 !

再出去買咗2張冷氣被, 因為有的是冬天棉被, 冷氣被就唔多夠 !

行過生果檔見到靚荔枝, 所以買咗60蚊來鹽浸後入冰箱, 等佢地返來有得食 !


因為諗起本人在1972年返香港渡蜜月時, 家婆鹽浸了一樽荔枝俾本人和老公食, 而呢樣就是母愛, 只有關心仔女的媽媽才做得到 !

經一個月的清潔, 間屋都整齊曬, 而本人也覺得比幾年前活力得多, 因為在2005年12月放下工作, 諗住拾好間屋等個女帶未來親家過來見面時, 突然整傷腰椎, 之後個幾年都腰骨痛, 2008年又氣管敏感, 而好彩今年好多了, 老虎都可以打死兩隻 !

以為自已是無敵個個, 到你的仔女將來想飛走時, 而你硬要佢地留身邊, 呢樣唔係愛, 而係自私 ! 只要知佢地在英國生活得開心, 住洋房有花園可以熱天玩水, 孫仔孫女讀書又跟到就夠啦 !

註: 唔曬諗本人會寫出有幾多身家, 因為寫得少又說無料, 寫得多又說是作假, 所以自已估啦 ! 哈哈 !

本人也唔想出書也唔想出名, 所以也不須引一大班人過來擦鞋, 而來呢個網誌的朋友都只想睇有關投資的資訊, 而篇篇轉貼過來的文, 都有投資知識的價值, 如果你睇唔到, 就是你的投資知識沒夠功力 !

10 則留言:

R's blog 提到...

老實說,lisa 前輩妳個blog既資訊好啱睇。
多D分享生活事更加正,跟blogger有磨擦,可能有時妳留言太直,比人覺頂撞踏場。
Anyway,既然係無利益既糾紛,網路世界,熟真假輸蠃有何用,最緊要現實中,活得自在開心:)


Lisa 提到...

R 說得正是 :)
本來想好心勸人的說話, 個個當是挑機, 不過將來佢地會明白, 所以我見到笑過後都費事駁火, 因為自已有幾多是自已事, 俾人說無料或作假又唔會少一份錢 !

Master NLP 提到...

荔枝被鹽水浸過無咁熱氣,正!

Unknown 提到...

Hi Lisa,

I think your blog is very informative. Since i discover your blog, i come visit everyday.

Keep up the great work...

Lisa 提到...

Thank you, Chong BoonKee :)

Lisa 提到...

回Sonia,

我以前以為荔枝浸鹽水是為保鮮的, 前兩日先見到電視說可以降熱氣, 才靈機一動 :)

猛虎勇士 提到...

唔好打我呀👅

猛虎勇士 提到...

咁多人翻黎…要瞓地下?

Lisa 提到...

要講清楚D, 我家婆以前是把荔枝連皮放鹽水中的, 可能是古製方法 ?

Lisa 提到...

回猛虎,

盡量唔曬, 因為我二新抱娘家在灣仔, 所以佢昨天己帶兩個仔女返到, 但住娘家, 而我二仔, 因為工作關係, 要8月中才返來 ! 我女過幾日返, 所以佢一家4口會直接由機場返屋企, 到佢回英國時, 我二仔一家才過來住, 但我要預替換被鋪, 而新野要預先清洗 ! 呢D野, 我老公一定唔會理, 只要有得玩預佢就可以啦 XD !
我大仔就因為個仔要考試預過一年要讀中一, 所以今年唔返, 而佢地2013年都返過 !