深圳購物公園

好多年前同老公坐深圳地鐵見到一個叫[購物公園]的站, 以為是一個好多小店的公園, 所以走去睇下, 原來是一個圓形商場, 但當時商場還在裝修, 只有在外面開咗間Starbuck, 所以當時我地唯有在Starbuck食野 !

呢次去見到的是一個長長的商店街, 叫[連城新天地](Link City), 我地由A區行去B區, 再行去C區 ! 一路都有好多食店, 最後我地在C區大快活食野 !

食完午餐繼續向前行, 轉入去[中心城廣場]行咗一個圈, 唔敢上二樓和三樓, 因為唔知要行幾耐 !

由Starbuck行咗出去睇下外面是乜情景 ! 唔知呢個Starbuck是否以前個個 ?

最後行返入去[連城新天地]由C區直行到[會展站]上返地鐵返羅湖口岸 !

原來由[連城新天地]可以行去福田高鐵站商店街 ! 

上次坐高鐵去廣州南站返來時, 老公見到有1號地鐵線牌, 但本人說沒行過, 驚迷路, 所以跟返4號地鐵線去落馬州口岸, 但依家就知點樣行啦 !