2010年11月19日 星期五

分散投資保財富

一路叫人要分散投資, 講到口水乾, 但係就有好多人在賭運, 一係全賺, 一係全敗 !
叫人唔好全部雞蛋放在一籃子內, 但係就有人說把雞蛋放在一個籃子內而睇實個籃子 !
唔想再辯落去, 大家自便吧 ! 有時有錢無錢都是命中注定的 !

所以在分散投資的原側下, 我都唔會再加碼實金啦, 雖然金價前景亮麗, 因為咁樣會好快超出我能承受的風險 ! 而我想好輕鬆的做人 !

18 則留言:

小C9 提到...

Lisa,
做乜突然咁感慨? 比人激親?

wahd 提到...

最慘望住籃雞蛋,入面壞左都唔知,唔係話睇實就可以睇實囉. 就算睇好一樣野都唔好盲目自我陶醉, 唔係到時到左頂都以為係調整.

小C9 提到...

wahd,
呢樣野真係知易行難. 幾時到頂真係好難睇. 好似我買樓同金時, 好多人問我點解咁高仲買? 我都唔知點答. 只可以用時間去證明我有冇錯lor.

wahd 提到...

@小C9, 我o係呢個位開始買金係已經預左佢可以插好多的. 如果有人重貨就要預下守唔守到了.

小C9 提到...

wahd,
你講得啱. 有哂心理準備跌果時就冇咁唔開心. :-)

btw, 你啱啱開始買金? 我以為你係師兄/姐tim. :-)

wahd 提到...

@小C9,有一斷時間無理個市,後知後覺了!

小C9 提到...

wahd,
我都後知後覺, 不過總好過唔知唔覺. hehe ;-)

Lisa 提到...

回小C9,
我不嬲教人投資都好小心的啦, 因為唔想我俾的意見害人輸錢 !
突然咁多人問金銀, 我有壓力 :D

Lisa 提到...

在 2006年時, 我都係唔係好信金價會升一倍, 諗住買 D 當買保險, 點知依家賺咗多過一倍 ! 所以在呢個位再叫人買, 我信心同當年一樣 ! 只可以說唔好買多過你資產的15%, 而後果自負 !

gogoldjoe 提到...

每一種投資都有其不確定的因素,就算168師兄都有心理準備金市會出現大家估計不到的風險,當年美國就出動軍隊續家續戶搜金,所以分散投資好重要,慢慢更會捉到不同資產間升跌的規律(當然唔係指買幾種唔同股票),另一樣就係唔好立亂信坊間的所謂分析,我敢話香港大部份都好渣,佢地同銀行、投資行都有千絲萬樓關係,我而家反而鍾意睇BLOG!

Lisa 提到...

我信宋鴻兵 :)

gogoldjoe 提到...

宋先生雖然有部份理論抄自外國,但如此大膽揭示全球金融局勢,在西方國家以外,還算是少數,這當然跟中國主權獨立有關,像日本,當年興起想買金就被迫放棄,半世紀裡亦沒有出現過一本像宋生的著作,我懷疑就算有日本人想出,亦未必能夠成功出版,或像宋生著作一樣被當政者重視。(聽說大陸已將其列為高級幹部要看的書之一)

全本書,我覺得宋生反擊反對者最有力的問題是,為何美國政府仍然持有大量黃金?我會加多句,為何印錢買債,被全世界批評,都不賣金買債?相信大部份分析員一遇到呢d問題都會口啞啞!

Lisa 提到...

回 Joe,
可惜好多香港人, 只當宋鴻兵的書是科幻小說 ! 我是在歐洲長大的, 所以我信佢寫的是事實, 而清茶淡飯都確認咗佢炒美國研究實錄 ! 其實佢出書之前, 已得到國家出版許可 ! 一本可以救十幾億人的書是本寶書 !

gogoldjoe 提到...

要信佢一定要對中西史(特別係西洋歷史)有一定了解,冇基礎好難信。好彩小弟當年不理世俗眼光,入大學堅持讀歷史,個個朋友一聽到都話將來有乜用?估唔到用處不知不覺中出現,世事就是如此神奇,我地冇辨法估到而家世界會變成咁,更估唔到讀歷史會有助理財,反而讀財務讀投資的將來可能在呢場風暴中觸礁。因為佢地學的都係整個貨幣系統既得利益者定下來的學問,好難走出傳統框框!

gogoldjoe 提到...

我有個好朋友,係補習天王(會係巴士賣廣告果隻),專教經濟,佢竟然仲以為而家美元有黃金支持,你話幾恐怖。

Lisa 提到...

回 Joe,
你講得好有道理 :)
我當年在荷蘭讀高中, 是最後一班須要考十四課的學生, 之後的學生就因為學校改革, 可以只選六課來考 ! 所以讀得愈廣闊, 愈可以睇到世事的全面 !

匿名 提到...

(1) 我看淡黃金,十年黃金變爛銅,黃金不可超過資產的15%。
(2) 我看好黃金,由2006年時佔資產的1%,到現在佔資產的10%。
一位老人

Lisa 提到...

回老人家,
點都好, 在投資組合中, 一定要有少少實金, 因為將來可能是救命之來源 !