傻的嗎?
當初回流香港, 老公都以為本人鍾意住大屋, 所以在石崗買咗間別墅, 點知仔女返學交通不便, 本人又驚多蚊多昆蟲, 而依家住三房樓已好夠啦, 交通又方便, 清潔起上來又唔會太辛苦 !
就來要拾屋過年 !
on.cc東網專訊【on.cc東網專訊】 香港有土地問題就人所共知，「樓」猶如身份象徵。不過，唔好以為有樓就威威呀，今時今日，隨時招人笑柄！有網此民在討論區以「其實香港樓會笑死外國人」為題發帖，指自己身邊有很多外國朋友，指：「其中一個住外國嘅半山區過千呎單位……佢話幾年前買落，折合港紙125萬左右。」發帖者眼見外國啲樓又大又平，大 呼「港樓真係丟晒香港人嘅架！」仲勸啲住緊「(單位)實用面積600呎樓下」的朋友，唔好帶外國朋友返屋企，否則會畀人笑。咁講法，全香港咪好多人都會畀 外國人笑？
發帖者將香港同外國直接對比，網民似乎唔多buy，反問發帖者：「根本兩個地方，點比？」亦有網民盞鬼舉例：「咁樣比較，就等如：美國小朋友笑你英文差過 佢、中國小朋友笑你普通話差過佢、日本小朋友笑你日文差過佢。」簡單嚟講就係「冇得比」！
有網民則認為發帖者簡直係「井底之蛙」：「以為香港樓全世界最貴……」更有留言者串爆回應：「其實外國人唔係笑香港樓，係笑你！」眼見發帖者咁葡萄外國人，有網民出言鼓勵發帖者走出香港：「你攞住百幾萬港幣，去肯尼亞可能買到幾個足球場添！」，仲有留言者話移民係好選擇：「有條件同能力就移民啦。」
地球唔夠大？呢位網民推介：「你趁早移民去火星啦，一個人住晒！」雖然話冇得比，但見到外國人地居住環境咁好，又唔使為間樓去愁，難免會羨慕，有網民感慨地表示：「香港人窮盡畢生精力，仲要節衣縮食先可以買到個蚊型單位委曲求存，其實都幾可悲架。」不過，歌仔都有得你唱：「自信可改變未來。」要相信自己做得到呀各位！
沒有留言:
張貼留言