2013年5月11日 星期六

日圓跌穿7.7 換円要排個半鐘

香港乜都搶一餐, 金價跌搶金, 日元跌搶日元 !

好多人都唔記得幅射啦 !


蘋果日報

【本報訊】毋須等太多,圓滙兌美元終跌穿100心理關口,每百日圓兌港元逼近7.5算(7.63)創四年半新低。哈日族即失控昨蜂擁換日圓;到找換店排隊換円人龍排了兩層樓梯,兌日圓加碼又加碼,蔚為其觀。旅行社指日圓再瀉,料暑假遊日團急升三成,惟航空公司不肯增加航班,供求失衡,下月加推旅行團有機會加價一成。
記者:莊程敏 袁樂婷 高明輝 張文傑

大批準備遊日的巿民昨湧往以貼近國際外滙價格見稱的中環百年找換店兌日圓,高峯期有近百人排隊,人龍由17樓店址沿後樓梯排到19樓,沒有預約的巿民平均要等上一個半小時。遲來的被人潮嚇倒,忍不住輕呼:「嘩!乜咁多人」,但滙價吸引,「等耐啲都抵」。
7 月出發往北海道的葉小姐原本計劃兌換5,000多港元,但見靚價(每百日圓兌7.69港元)即加碼一倍,兌換萬多元港幣,仍意猶未盡,預計日圓滙率再跌,會兌多一萬港元,「去嗰邊會玩得疏爽啲、買多啲。」月底出發的陳小姐昨睇準日圓滙率創新低,一次過兌換14,000元港幣,「如果下星期個價有驚喜,會考慮再唱多少少」。

遊日團飆升或加價

東瀛遊執行董事禤國全表示,近半年日圓下跌,日本團費每個月皆按年下調,以最高點計日本團費下跌逾兩成,平均降幅約一成;3月遊日人數破六年新高,而6月 10日前的日本團接近賣清。剛推出的7至8月暑假團反應不俗,日圓滙率破百後接獲不少查詢,現時報團最遲已預訂至9月,其中以購物熱點東京及大阪今年最旺。
禤續稱,該公司暑期將包69班飛機應付需求,當中包機直航到九州,佔總包機的三分二。航空公司班次增加則不多,多數以細機轉大機,而北海道線則有增加。因航班有限,雖受惠日圓下跌,暑假日本團團費按年稍便宜數百元,而日圓繼續尋底,需求急升,越遲報名團費會越貴,「航空公司見到機位需求大,會加機票價,團費就會加價;同一個團可以加2,000蚊,大約加兩成。公司預料暑期日本遊行團量增幅達25%以上」。
縱橫遊業務顧問袁振寧指出,暑假旅遊旺季,因求過於供,航空公司的票價及酒店價格同時大幅上調,儘管日圓持續向下,暑期日本團費與去年同期相若,未有減價,「飛大阪機票貴咗兩成,東京機票團貴咗13%,加埋當地酒店內銷需求大而加價,抵銷咗円價下跌嘅減幅」。
袁 續稱,雖然遊日人數增加,航空公司在暑假增加航班,但因釣魚台事件,內地旅客赴日減少,飛港航班不加反減,旅行社在暑假只好自行包機,「包機機票貴好多, 如果航空公司仲唔肯加多啲機,預計下月加推的暑假日本團會加價一成」。他指暑假日本團人數按年升三成,「如果夠機位,升一倍唔係難」。

國泰暑假加開航班

旅遊業議會總幹事董耀中表示,旅行社多次要求航空公司加開航班均不得要領,「佢哋冇講到原因,業界相信同釣魚台事件有關。以前深圳、廣州嘅內地客經香港飛日本,依家冇晒呢啲客。航空公司驚加班機坐唔滿要蝕,故唔肯開」。
國泰航空稱近月日本航線需求上升,為應付暑假期間的需求,將加開航班往多個日本航點。國泰網站顯示,7月中旬至8月份旺季飛東京、大阪經濟艙機票最貴達7,150元;飛北海道札幌最貴達8,890元。

4 則留言:

Gordon 提到...

lisa,
去日本中部和西南部咪得囉

Gordon 提到...

除非你每次都去city super等高級超市買新鮮食材,否則腥港的食物主要來自強國,大家會在無形中因此進食了大量強國的污染元素,同你在荷蘭或英國的家無得比。
sosad

Lisa 提到...

回Gordon,
兩害取其一害 ? XD !
第一我唔食生野, 第二買野多數選歐洲, 澳洲, 星馬泰 !
可能都會慢性中毒, 不過唔想快速生癌 !

提到...

活在香港, 我信香港的品質檢驗, 真係咁擔心, 我會選移民.

如果有時間, 想健康D 不如諗下點食得健康, 有益. 呢兩年, 兩公婆學識煲唔同湯, 有板有眼架.

又, 家下試紅洋葱浸紅酒, 抗氧化 :)