2011年9月28日 星期三

唔識就唔好寫野啦

Joe 網誌又再出現煽動文, 以為自己好識野, 其實在外國長大國內好多野都唔知 ! (或是有陰謀的)

中國近幾年已叫人民買實金實銀, 是藏富於民間, 唔曬煩管理金銀倉的事和倉庫有可能俾貪官偷走的機會 ! 國內人買實金實銀已到瘋癲地步, 又說什麼政府唔俾人買實金 ? 只有大多數香港人才還在夢鄉, 以為只有股票才能賺大錢 !

中國以前剛開放, 所以唔識金融, 而中美國圈套買美債 ! 到醒覺時, 已滿手的美債, 而宋鴻兵個三本[貨幣戰爭]是送俾世人的警告 !

又有誰可以知, 中國政府是否在暗中買黃金呢 ? 就連外國網都唔信, 中國得個1,054噸黃金儲備 !

好彩中國的貨幣發行權是在政府手中, 而唔係私人銀行如美國的聯邦儲備局(FED) ! 可憐美國人民由1913年起俾一班人吸血 !

買黃金不是不信中國政府, 而是不信歐美政府 !

Joe,
你俾呢個人入來寫野是你的損失 !

26 則留言:

honson 提到...

無錯,睇下熊貓金銀幣發行量就知,一年多過一年,
阿爺默許人民買金銀,
個條友仔食飽無野做...算啦 Lisa姐

Lisa 提到...

回honson,
佢跟本唔識國內情況, 只記得在文革時祖先用屋換金趒去美國 ! 還說金好過物業 ! 佢又知唔知幾多人在開放後, 可以收返祖業而賺大錢的 ?
最睇唔過眼是見人發放假消息 !

Lisa 提到...

FateAndTheFuture 和 ckm001 正是孖兄弟, 講野歪曲事實來當是理據, 一個叫人全資買金, 一個叫人全資買股 !

Master NLP 提到...

守規矩的就post唔到;唔守規矩的就post到.
算啦! 我從來不勉強人(任何一方面).

Lisa,唯有借你地方講:

Gordon,你終於搵到香港是有外債啦!

小C9 提到...

Lisa 姐, honson,
其實,我唔係好明點解佢有自己個blog 唔post, 要post 喺人地個blog 到? 攪到有d傻人以為係Joe寫既, 仲亂咁閙>.<

TAXI-DRIVER 提到...

I grab some mroe Great Wall silver bar today ...and feel good :)

Lisa 提到...

回nlpsonia 和小C9,
是Joe 俾權佢寫野的 !
我當初第一眼都以為佢係勁人, 乜香港大學畢業。留學法國,英國。
先是覺得佢寫玄學幾有趣, 後來見到佢在Joe網寫野愈來愈唔對路, 而我試過去反駁, 但有傻人在玩野, 所以只是混亂一團, 沒能帶出我的反意見 !

Lisa 提到...

恭喜 TAXI-DRIVER :)

Lisa 提到...

落雨前出去買餸先 !

小C9 提到...

TAXI-DRIVER,
Congratulations! I wish I have money to buy too, but .... :-(

小C9 提到...

Lisa 姐,
我知係Joe比佢喺到寫, 我係唔明佢自己點解咁鍾意喺人地個blog寫,唔喺返自己blog寫je. 如果佢係有料,實有大把人去佢個blog睇ga la.

Charen 提到...

同意小C9講法, 我日日都有去佢個blog睇佢寫野, 佢真係無必要在人地個blog寫野

Charen 提到...

金價仲未企穩USD1650 which is my 40 oz selling price :)

honson 提到...

回小C9
可能係隔離屋的飯香!

Lisa 提到...

XDDD !

Lisa 提到...

以陰謀論來講, 個人可能是猶太人派來的奸細, 推你地去打內戰 !
每一個愛好和平的人都唔會想見到國家似利比亞一樣的五分四裂, 民眾受戰爭之苦 !

Master NLP 提到...

XDDD!
Lisa,你有豐富的幻想力!
幸好大家還是清醒的.

旺旺 提到...

寫左成版紙咁長, 
點解無左.

其實我地只係小市民,希望的係生活安定,儲金儲銀係想努力保護手上財富,唔信既係現在的金融制度, 驚銀紙唔見使,唔係甚麼對抗政府
佢唔係自已地方講,而係Joe那邊出文,是別有用心!係自已那裡出,佢無乜影響力,係唔會做成迴響, 要引起大家討論,先係目的.有人批評佢亦係預左,但好容易引來,係有網友以為全數投資金, 又寫交批評政府,變成係Joe同意既想法
旺旺

Lisa 提到...

回旺旺,
妳分析的好正確 !
當初Joe都叫我加入佢地隊伍, 不過我無接受, 因為咁多個人寫, 好易有壞文章在內, 而全世界以為也是成team人的意見 !

旺旺 提到...

Lisa,
我前兩日跟老公去律師樓簽左合約,終於買左一層收租樓收租, 呢個係我地一直以來的願望, 但無諗過係先唔買自住樓而實行. 

我呢個月反覆在諗係高位先來買係咪接火棒,答案係好危險,不過好處層樓銀碼唔大,趺落來都無咁甘.同埋心態上同以往投資(其實係投機,又或者係賭好唔同),現在係腳踏實地,每樣都可以大概計到數,以前係渣住呢筆錢, 成日發夢可以有幾多盈利混大,於是用晒去買股票同期貨,大市上落真係好驚. 

我同老公都覺得退休後有穩定的現金流重要性,其實我地每人都無一個水晶球,可以預測未來,有乜野可以俾我地有咁大信心,一注輸贏!

Lisa,睇你既博,特別係你強調分散投資,我同意.希望以你為學習目標.又儲金銀,又投資物業.有外幣,有債劵,有現金,我會加多一樣,你唔當同意的退休基金 :)
旺旺

Lisa 提到...

回旺旺,
可以去到退休無憂的地步是要慢慢去build up 的 !
恭喜妳買咗自己的第一層樓, 月月收租儲錢再買下一層樓 :)

小初哥 提到...

恭喜旺旺!

呢個都係我的終生目標!

honson 提到...

恭喜旺旺!
行出了第一步,其它就好易架啦

Yan 提到...

旺旺

Welcome aboard!

Property is a must and worth investment in lieu of securities.

Also glad to hear that you did not invest all money in Gold/Silver which cannot give you monthly return after your retirement.

No one knows the bottom but at least the property market is very quiet now, unlike few months ago when all landlords were irrational.

KOA 提到...

我都覺得佢愈講愈離題:
(1) 上綱上線講到買金買銀就係反政府;錦我都可以講我買金買銀係因為愛國(包括愛政府-老實說我覺得現在中國共產黨政府的確是中國近百年之好政府), 希望實金同實銀多留在中國土地(包括香港)內, 唔比歐美繼續藉金銀控制世界財富;
(2) 好多人買金買銀目的係保本增值, 純理性經濟考慮(可以講係有D冷血, 唔會理咩愛國定反政府, 只係為自己及家人); 當中當然包括國家/世界政治考量, 但用金銀來反政府就不是原因(即買金買銀的人的目的), 就算兩者有相關, 極其量只可以說是結果(無錨貨幣崩潰).
(3) 我覺得佢講緊既係政治運動, 不如佢開宗明義成立一個網站,講明買金買銀係反政府. 根據呢個邏輯, 買金銀唔係因為佢既保本 / 升值潛力, 所以有錢就要買金銀, 唔理平定貴, 買到政府倒台為止.

Lisa 提到...

回KOA,
你說得好岩, 大眾眼光是雪亮的 !