億萬女富豪增速勁

on.cc東網專訊

【on.cc東網專訊】 百萬富翁調查見得多，「億萬富豪」就少見D，不過一日有錢唔代表一世富貴，瑞銀同羅兵咸永道公布新一份億萬富豪報告顯示，1995年既億萬富豪，而家只有44%(或126人)過去20年依然保住「億萬富豪」財富。

至於依然在「億萬富豪」名單中既126人，財富創造力非常驚人，佢地既資產平均值好似過山車咁升，由29億元美元(下同)，飆升到110億元，比同期股市同全球國內生產總值(GDP)仲要高。呢班「億萬富豪」有咩特別呢？原來女性既增速比男性快，分別係6.6倍同5.2倍。而女性「億萬富豪」中扮演家族事業既推手，喺亞洲，活躍創造財富既女性比例高達96%。

亞洲女性「億萬富豪」中，過半數係白手興家，超過全球平均值既20%。不過「億萬富豪」都有難題，佢地認為要保住資產，最大既挑戰係監管同稅制。報告今年5月發布，共訪問超過1,300名億萬富豪過去19年期間既分析資料。