粉嶺屋苑雙位數咁升 可以停一陣先嗎？

近火車站是交通比較方便 !

money18.on.cc

樓市癲到去北區，自從粉嶺公屋華明邨最做咗新界公屋王後，北區亦已經不再是「上車樂園」。不要以為華明邨的天價成交，皆因是迷你戶，其實，就算區內普通的兩房私人住宅單位，間間都「水漲船高」，尤其近地鐵站的屋苑，樓價全部「雙位數」咁升。

綜合地產代理的統計，粉嶺中心、碧湖花園、牽晴間及花都廣場，樓價齊齊彈上。其中，碧湖花園升幅最「恐怖」，實呎平均價最新已經去到9,250元，較3個月前勁升12.2%。至於牽晴間、花都廣場及粉嶺中心，過去3個月升幅亦由10.8%至11.2%。

不過，同屬粉嶺，但位置較為「隔涉」的聯和墟，似乎就「跟唔上」，指標性屋苑帝庭軒，實呎價3個月內亦只升2.6%，報9,511元。毗鄰的綠悠軒更慘，同期跌8.6%，實呎8,039元，真係「同區唔同命」！