2011年9月19日 星期一

幣和章的分別

本來當初買銀幣時, 唔知有章和幣的分別, 但有日無聊中在大洋的網站上禁下禁下, 見到說章和幣有分別, 先知 !

幣是有印上面值額, 如一盎司銀熊貓是10元, 代表中國政府保証會俾返十元人民幣你換返個銀幣 ! 當然大家唔會咁做啦, 傻的, 把四百幾蚊的幣去取返十人民幣, 所以面值在銀價高企下絕無意思 ! 其他國家的幣上面都同樣印有面值額, 保証國家會俾返咁多錢你 !
章是由私人公司發行, 所以無面值額, 導致幣的升值能力高過章, 而發行愈少的幣升值能力愈高 !
一位收藏家會著重金銀幣的升值能力, 所以好多收藏幣的賣價已離金銀價有好高的溢價 !
而一位金銀甲只著重金銀幣的重量和價錢, 所以只會買低溢價的金銀幣 ! 但一定要見到章上面印有重量和純度先好買或有証書跟隨, 因為証書上面都有寫重量和純度的 ! 上次去金錢展, 見到好多銀章上面都無寫到重量和純度, 所以買唔落手 !

上個月剛好在旺角, 所以走去好旺角中心行一轉, 成個商場的一盎司銀幣賣價由450蚊至800蚊, 而行到吉祥, 見到上圖的章只賣400蚊, 所以買了 ! 吉祥老伯對我說了兩次, 呢個是章呀, 而我回答:我知呀 ! 老伯用懷疑的眼光望住我開心個樣, 可能諗是否賣得太平蝕底咗, 哈哈 !
佢一個半盎司銀熊貓都賣400蚊, 所以可以用400蚊買一個一盎司的銀章, 直前開心到爆 !
返到屋企已把銀章送俾老公當生日禮物 !

22 則留言:

singwin 提到...

章 = round
幣 = coin
the kito coins are actually rounds, without face value.
the maple\eagle\phil coins are real coins. The value of a round should be very close to the spot price of silver. That means you are paying $400/7.8 = $51.2 to buy 1 once of silver. Not a problem at all if you really like the round.

Lisa 提到...

回singwin,
如果預銀價會見更高位是無問題的 !
當初開始買銀幣, 楓葉賣165一個而Joe走去買熊貓約190一個, 我還在說唔抵太高溢價啦 ! 之後熊貓升去340蚊一個我才飛身入去買, 因為已証明Joe是買岩咗 XDDD !
所以依家見到靚幣又唔太高的溢價就會買, 唔係會好後侮 !
所以經驗會是你的老師 !

Lisa 提到...

依家收藏幣約450-850一個, 如果銀價升穿50美元, 我諗你無可能再在一千蚊樓下買到收藏銀幣的啦 !
只睇大洋網頁已可以見到 !
所以我買野都寬老咗 ! XD !

honson 提到...

Thx Lisa分享..又學到野

我自已就睇"送"食飯......

Charen 提到...

所以經驗會是你的老師 !

講得好!

Lisa 提到...

本來想去買多幾個Kitco新2012round, 但老公發大脾氣說我已買好多了, 所以無再出去買 >.<

Charen 提到...

哈哈, 等我買埋你果份吧 ^_^

Lisa 提到...

回Charen,
Just do it :)

Yan 提到...

As you say, 幣的升值能力高過章, 所以只會買低溢價的金銀幣

The above 1 oz 章 is more expensive than 1 oz Maple silver and any other coins, why do you still interest in this one?

I can see any special 升值能力 for this one.

旺旺 提到...

銀章若鍾意外表, 買一個半個還可以, 但我就唔會買銀章作為儲存實銀的收藏, 要買就買銀幣.
因為銀章價值不能跟銀幣比較.
銀章可隨意印制, 例如我喜歡, 我可以找銀鑄廠設計跟打造一個旺旺銀幣.成色跟品質絕對沒有保證, 只可以信銀鑄廠提供的成色和重量, 有證書亦不代表甚麼, 因為張證書都係由鑄幣廠印制, 其實信張證書, 即係信鑄幣行的誠信, 佢無欺騙你.
銀幣的價值除了本身是銀外, 幣本身的價值就在幣的面值, 能印上幣值就是國家認可, 亦是成色與品質的保證
還有,銀章既不是國際認可,能唔能出賣亦成問題, kitco的銀章現在只可以賣返俾kitco, 如果係其他地方出的就更難找到出貨點, 可能真係要等10年8載,金鋪銀鋪仲有一間係左近,就有得沽出.
旺旺

Lisa 提到...

回旺旺,
妳說得好岩, 幣當然有價值過章, 所以我一早說過要知自己做緊乜 :)
如果你想用來走難到外國或用來在外國交易, 當然要買幣啦, 就算中國熊貓在外國都認可 !
但如果一個兩個用來欣賞, 章是值得買, 不過要預期, 如果想賣出或第日用來換糧, 就會只計純銀的價值啦 !
Kitco 本身的章, 賣價平過其他幣, 所以買入都無壞, 起碼低溢價, 而又是9999純度 !
有人問過, 點解唔買銀條, 無幣和章的高溢價 ?
我已說過, 因為我鐘意幣和章, 可以欣賞又可以送禮 ! 試問大家都唔會送一大條十兩的銀條吧 ?

Lisa 提到...

回Yan,
買得一個長江橋又唔係大問題呀, 因為我已有楓葉 :)

以下解釋可能旺旺會明多D:
買銀就好似買期權咁, 有好多個玩法 !
一係炒差價, 一係等到期結算 !
升值能力高的幣, 你可以在高價賣出賺錢, 而升值能力低的幣和章, 你可以等純銀價升咗才當原材料賣出去賺錢 !
所以每個人會有不同的計算法 !

honson 提到...

回Lisa
好一句"炒差價, 到期結算 !".....
比個....讚

Lisa 提到...

謝 honson :)

小初哥 提到...

依家計返利昌其實同kitco per ounce 的價錢差不多(kitco 1oz rond/bar買入賣出差價只是十多二十元, 計落kitco 會抵D. 反正佢同利昌都唔係authorized coins like maple, 咁買個純D都幾好~)

我依家將saving一半變做銀, 大約一兩年內會沽出(約定的支出),希望可以有少少升價, 所以呢一部份會買kitco round~

Johnny 提到...

Lisa, 小心呀!銀章很多是度銀而不是全銀.面印有ag.999不是一定全銀.

Lisa 提到...

回小初哥,
買銀一定要預十年八年, 玩太短線無保障會贏 !

Lisa 提到...

謝Johnny,
買得個一個輸都係400蚊 :)
其他大多數都是Perth Mint 銀幣或Canadian Mint 銀幣 !

Imhung 提到...

去年剛開始買,也是不曉得幣和章的分別,不過現在除了少數製做精美,數量稀少的銀章外,都是以銀幣為主.

Lisa 提到...

終之幣也好章也好, 只會幫襯有信譽公司買貨 ! 吉祥唔似會賣假野, 因為佢有好多正幣賣, 不過價錢就比東洋貴 !

鬍鬚仔 提到...

亞伯賣野有性格,如你想買既幣係假既佢會出聲話你知,不過佢 d 價就顯得滯後,唔 update 個市場價,睇你有冇運.

Lisa 提到...

鬍鬚仔最熟識阿伯的啦 ;)