2011年2月25日 星期五

深圳中國銀行買銀記 (2)

999純銀兔算盤, 100克重, 1400人民幣, 限量 8000 個

今日有事同老公過深圳, 而辦完事後, 又去掃二元店 !
行行下都無野好買啦, 雖然天氣好好, 但都決定回家去, 而行到中國銀行附近叫老公不如去中國銀行睇下有乜賣 ? 個時是下午三點半, 銀行一樓兩個飾櫃都開著燈, 好閞心見到個銀算盤還有得賣, 而又無加價, 叫老公買 ! 數下我地兩個人的銀包加起上來的現金凈返八百蚊 ! 老公說無帶中銀卡, 我以為呢次又要食白果, 但老公說, 妳等一等, 我去禁機 ! 老公用工商銀行卡去中銀禁現金須加手續費, 但佢都去取錢, 抵錫 !

中銀女職員還記得我, 佢說是否念念不忘返來買 ? 還說是最後兩個, 所以在我買完後凈返一個 !
手快有, 手慢無啦 !

22 則留言:

匿名 提到...

Lisa,恭喜你又買到好野.好靚呀!
nlpsonia

Lisa 提到...

謝謝 :)

Bosco 提到...

恭喜恭喜!

Lisa,我想你可能誤會左啦,其實我唔系你識個個Bosco(所以我無你手機架)。
我知你系因為以為識我所以先做人情比我肯同我換10Oz兔,所以你唔使同我換啦,不過我都系好多謝你先!

Lisa 提到...

回Bosco,
我咁都認錯人?
咁希望你快 D 買到心頭好啦 :)

匿名 提到...

Lisa,

兔仔算盤好靚呀~
呢個一見鍾情,但真係要睇緣份啦!

兔仔上

wahd 提到...

好精緻不過好似有d貴 :)

Bosco 提到...

Lisa,世事有時就系咁神奇!
呢排都買左好多銀幣Collectibles,Kitco Monster Box又摸頂,收下手先:)

Lisa 提到...

回兔仔,
正是 ! 我本來以為呢世唔會擁有佢的啦 ! 原來兔算盤也有 30克和 500克的 ! 但唔知邊度有得賣 ?

回 wahd,
當然, 我計過, 最平實銀是約 7蚊1克, 而在大洋買的兔牌同深圳中銀賣的銀產品同價, 都係約 14蚊1克, 不過D 手工真係好精細, D 算盤珠是會陏的 !

Lisa 提到...

回 Bosco,
你又係真係買咗好多好多, 個一公斤墨西高銀幣真是好靚 :)

匿名 提到...

lisa
你老公又會俾你買既=.=?
仲要俾埋錢....

Lisa 提到...

老公見我鍾意嘛 ! 後來行出銀行問我點解上次唔一齊買 ? 我說驚你黑口黑面嘛 ! 哈哈 ! 之後還同我 argue 一論, 說想保值應該買銀條 ! 我須曬好多口水解釋, 銀條只可以在銀價升好多時賣俾收銀公司, 不過靚銀產品可以高價賣俾收藏者 ! 不過都曬氣的, 佢好快又會唔記得的啦 !

daeng 提到...

銀算盤氧化變黑都好難抹返靚bor...

Lisa 提到...

呢個算盤當然唔會拿來用的, 會鑰在保管箱 ! XD !

鬍鬚仔 提到...

好正喎,上去坐地鐡邊個站出?星期六辦唔辦工?

Lisa 提到...

深圳銀行星期六日都開門 9:00-16:00, 可以去睇一睇 !

鬍鬚仔 提到...

LISA:我今日休息,我打左幾個電話去深圳中行,佢地話冇呢個產品發售或代售,妳係邊間中行買架?可否比個電話和地點呢?謝謝.

Lisa 提到...

回鬍鬚仔,
做乜你睇[深圳中銀買銀記(2)], 又唔睇[深圳中銀買銀記] ?
最好睇曬[投資金銀手冊] !

鬍鬚仔 提到...

lisa:我的確冇睇到,但我用 google 查深圳中行,並打去幾間問,其中一間就係建設路,全部既答覆都係冇賣呢隻產品,仲叫我查清楚先,有間仲反問我係咪佢地送比客戶既禮品,莫名其妙.

Lisa 提到...

回鬍鬚仔,
可能銀算盤已賣完了 !

鬍鬚仔 提到...

LISA:點先可以唔洗上去,而又知道深中行有 D 咩銀或制品賣呢?

Lisa 提到...

回鬍鬚仔,
我都上網 search 過, 不過中國銀行網上的金銀產品唔同在建設路分行賣的金銀產品, 都係搵日自己過去睇啦 ! 佢地還有金/銀元寶賣, 不過因為阻有限收藏空間, 所以我無興趣, 也有銀定賣, 一盒八個 !

鬍鬚仔 提到...

有金/銀元寶賣?咁真係要搵日上去睇吓,對金/銀元寶非常有興趣.