2011年2月18日 星期五

想買野, 一定要在平時買

2006年時開始買金飾, 就連老公都說保唔到值 !
當時一隻純金戒指賣5/6百蚊, 所以買咗一人一隻送俾個女和兩位新抱當聖誕禮物, 個時去英國剛好是聖誕節 ! 又有一年佢地返來香港, 又是送咗一人一對純金耳環, 都係 5/6百蚊一對 ! 依家金戒指和金耳環都升去 1500蚊一隻/對, 所以唔送啦, 改送銀幣 !

通脹來臨, 一定要一早做好防風設施 !

35 則留言:

小C9 提到...

Lisa,
嘩! 我都想有個你咁既99. 哈哈:-P

Lisa 提到...

;)

匿名 提到...

Lisa,做你D仔女/新抱都好發達:)
另外,大部分男人(除左Joe拒地個班)對金對銀都無mug感覺(純粹個人體驗).
nlpsonia

Lisa 提到...

因為我知金銀就來升值, 所以送金銀, 好過俾銀紙佢地 !
男人愛銀紙, 女人愛金銀 :)
不過都好過去買名牌 ! 我日常用的是男人手袋, 因為個尺寸好舒服, 唔大唔細 ! 我有好多個手袋, 不過唔係太細, 就係太大, 所以如果唔係去飲, 都係用個個雖一手袋唔理 D 人點睇 XD !

Bosco 提到...

>另外,大部分男人(除左Joe拒地個班)對金對銀都無mug感覺(純粹個人體驗).

哈哈,我同身邊朋友講金/銀,So far,只有2個信我,分別系一男一女。

我覺得系大部分人都覺得你系痴線既!

Lisa 提到...

我都說過大眾是遲醒的, 到人人都去搶金銀時, 個時的時勢是好緊急, 例如銀紙大貶值, D 物價下午會比早上貴, 日日係咁升 !

Bosco 提到...

Lisa,我有D同飲食相關既生意。講起通脹,有個做連鎖飲食既朋友同我講,D食材升到你唔信,比如生粉批發價可以一年生3倍。有D供應商上年頭同人簽約,到而家根本無辦法用個個價比人,要系市場上搶貨。拒話而家租當然系厲害,但食材先至系最大件事。

雖然人人都當我痴線,但每當我可以說服到一個,我就好開心,因為好次“救”左一個咁。哈哈,可能我真系痴線既。

Lisa 提到...

回 Bosco,
我無你同 Joe 咁有勇氣, 因為我驚到時好似青姐咁俾人鬧, 所以貼文都選名人的文章, 睇錯唔關我事 XDDDD !

wahd 提到...

Bosco,
可以點說服人呀?
我都想同d屋企人講,佢地都好大架喇。

Imhung 提到...

這個,我是男的,我也喜歡金銀.

不過我從未排斥現金$$$$

Lisa 提到...

回 wahd,
其實我已貼好多關於美元會跌和金銀會升的文章在我網誌中; 你可以 print 幾張出來俾佢地睇啦 !

匿名 提到...

我都是個信金銀的男人,但我只怕今天叫人買銀是無人信。他曰出事時個個知你有錢,上門打你主意。

Lisa 提到...

唉, 如果到咗亂世時, 唯有買糧同身邊的人分, 無理由睇住 D 人餓死都唔分食物 ! 如果連食物都無曬, 有金有銀都無用 :)

wahd 提到...

Lisa,
thx, 文章我睇左好多了.
其實話金會升唔足以係一個誘因叫人買金...
係要佢地相信呢個世界有可能會幾大鑊,
呢個亦都係要買金既原因...

匿名 提到...

Yes,wahd is right.要說服人相信'呢個世界有可能會幾大鑊'是相當困難.家人與絕大部分朋友都唔會信我.(信我個d朋友就主動買左).
nlpsonia

匿名 提到...

同佢地講埋啟事錄, 都無人信d事一直跟跟聖經行!

ANN

wahd 提到...

ANN,
我有屋企人信耶穌,你quote邊度係咪覺得真係貼切地描述現在?

匿名 提到...

Ann,如果你的家人不是Christian,好難同拒地講啟示錄.信我的朋友3個裡邊,有2個是Christian,亦有係Christian但唔信,只買股票同樓.
nlpsonia

匿名 提到...

其實我都無話quote 邊段聖經, 因為此終人係估唔倒神將要做o既事,我亦唔可以歪曲, 當事情發生左就會明白,我只係話時候差唔多,個世界係度變緊, 又講o下nwo 等, 心知係同聖經有關, 但唔可以太落實o甘話比人地聽,就算自己老公, 我講左佢都唔信, 佢本身都係christian, 佢成日話我末日論, 我唯有續小續小o甘講, 佢都開始唔反對我買金銀, 但佢就似終寄望係股票度, 普遍人都覺得有無o甘大件事呀o甘, 繼續吃喝玩樂, 聖經講得好arm, 末日同挪亞o既時候一樣, 無人會信!

ANN

Bosco 提到...

Wahd,我系人地問我意見,我先講既。
拒唔問,你走去同人講,十成十無用。
至於家裡人,我用Brute Force家!哈哈

wahd 提到...

Bosco,
哈哈,我哥哥姐姐d野我無得Force。希望有機會講開先講,或者而家時機未成熟,佢地未感受到高通漲既可怕!

匿名 提到...

ANN,機會永遠只會留比有做預備的人(十個童女的比喻),不過你老公/家人會因著你的預備而蒙福!我的家人知道我買金,以前(USD900樓下)反對,而家就無聲出,但就唔知我買銀,因為一講就會好似以前買金咁,到銀升到咁上下至比拒地知就會無意見架啦.我同另一位主內姊妹(未婚)一同買金買銀,拒既家人(同胞兄弟)依家都唔會聽拒講,真係當拒痴線,無工作的弟弟又唔肯幫手提貨,你知啦d銀好重架嘛.雖然係咁,依位姊妹重話要買埋拒d兄弟姊妹果分(拒唔結婚,所以無後人),話將來大災難時d未信既兄弟姊妹可以有得用,我就無拒咁好氣.除左耶穌/做人父母既同拒之外,都應該無人咁偉大.
nlpsonia

匿名 提到...

TO: NLPSONIA

其實我都係o甘諗, 因為我知道末世時教會係凡物公用, 所以我希望到時幫得上忙, 自己有得食, 教會弟兄姊妹無得食, 我會過以唔去, 我都唔敢同佢地講叫佢地買番d, 只好o甘樣做, 希望天父延遲少少個時間等我買多少少, 我已經將層樓賣左, 希望買多d, 但都驚老公阻止!

ANN

匿名 提到...

What do you think of:

四活物中有聲音說, 一錢銀子買一升麥子, 一錢銀子買三升大麥, 酒和酒不可嘈蹋

ANN

匿名 提到...

ANN,那就是講inflation囉(前年上聖經班啟示錄時,牧師教過,不過牧師無講係hyper-inflation),但是我在12年前聽過一位新加坡牧師(拒係先知)話將來有hyper-inflation(如以前的德國),拒當時已經預言左10後發生的金融海嘯(拒當時叫這個危機做crisis no.3).我唔想係度講咁多,因為太敏感,依度有好多未信既人.
nlpsonia

匿名 提到...

ANN,到依家D人仍然覺得我地依D人係痴線既,你可知道12年前D人點樣睇我地?所以我講都唔夠膽講.挪亞的時代D人怎樣回應挪亞?
nlpsonia

Lisa 提到...

聖經我睇過, 不過只記得皮毛, 因為我無宗教的, 不過連牧師都講 inflation 是好值得知的事 !
可否講多 D ? :)

匿名 提到...

Lisa,啟示錄裡面所講的inflation只是末世時代的其中一種情況/現象,啟示錄裡面還有講好多災難,無謂在這裡嚇人.我地(在你與Joe既blog留言的人)既然都已經有預備囉,inflation我相信我們可以tackle得到的:)
nlpsonia

Lisa 提到...

回 nlpsonia,
只要有預備, 將來生活可能會難過, 見步行步啦 ! 我地呢代人無經歷過戰爭是好幸福的啦 ! 只希望我地下一代也可以平安度過 !

匿名 提到...

Lisa,我都同意將來生活可能會難過(不是單單經濟方面),所以新加坡牧師在12年前只留下兩句說話(先知就是上帝的代言人,但不是每一位牧師都有預言恩賜) 1.Live simple(簡單地生活)(我個人覺得在hyper-inflation的日子一定會系咁) 2.Do not trust in money but in ME(上帝).
nlpsonia

匿名 提到...

Lisa,我每日都睇你地既blog,有人話 kitco好恐怖, 落閘放狗...係唔係真既?上個月去好似都唔係咁

Lisa 提到...

乜叫 落閘放狗 ? @_@

匿名 提到...

http://gogoldjoe.blogspot.com/2010/05/blog-post_03.html
匿名提到...
樓主我俾你玩死, kitco係皇中唔係皇西啊~~~~~
kitco都好恐怖, 落閘放狗...又唔俾用EPS, 臨急臨忙只按到2皮出來買...

2011年2月14日下午2:36

Lisa 提到...

你唔係真係信, Kitco 放隻真狗出來呀 ? 可能因為人太多, 要關門先可以應付 ! 見來 Kitco 搵岩了路向, 勁好生意 :)

匿名 提到...

哈哈,我就擔心拉~多謝,Lisa你好好人:)