2011年2月24日 星期四

財政預算案派436億紓困助養老

多謝財爺禮物 !

文匯報

香港文匯報訊(記者聶曉輝、羅敬文)香港通脹加劇下,財政司司長曾俊華昨早公布2011/12年度財政預算案,針對各階層推出多項紓困措施,合共「派糖」逾196億元,措施包括向全港260萬住戶補貼1,800元電費;寬免下年度差餉;將供養親子免稅額提高20%,令逾6萬人逃出稅網;公屋住戶免繳兩個月租金;綜援金、生果金出雙糧等。另外,當局亦撥款240億元照顧市民養老生活,向近400萬名打工仔的強積金/公積金戶口,一次過注資6,000元(見另文),兩廂合計,財爺大派超過436億元。

 曾俊華昨早在立法會宣讀預算案時說:「我建議的紓緩方案,既有一次性措施,也有提升免稅額的經常性措施。我特別著意幫助有需要的市民減輕通脹壓力,同時避免過度刺激整體消費。」一次性措施,包括向全港260萬電力住宅用戶提供1,800元的電費補貼,每月150元,為期一年,涉款47億元。

每季差餉最多免1500元

 港府消息人士指出,當局預計今年暑假開始每月向電費戶口注資,餘款可撥入翌月使用;而之前的電費補貼措施至今仍有逾20萬戶有盈餘,可以滾存新注資一併使用,但所有注資的使用期限為2014年8月。

 差餉物業估價署數字顯示,2011/12年度應課差餉總值平均按年上升9%,為減輕市民的供樓負擔,當局計劃寬免下年度差餉,以每戶每季1,500元為上限,估計約82%的物業獲全數減免。該建議會令下年度差餉少收98.55億元,但仍較 2010/11年度的差餉淨額增加16.26億元。

公屋住戶免交兩月租金

 當局亦會為公屋住戶代繳兩個月租金,至於居住在香港房屋協會乙類單位的非長者住戶,當局會代繳2個月租金的三分之二。

 當局亦建議將供養60歲或以上父母或祖父母的免稅額,由現時3萬元增至3.6萬元;父母或祖父母的年齡介乎55至59歲,免稅額及同住免稅額俱由1.5萬元增至1.8萬元。如納稅人父母或祖父母入住安老院舍,長者住宿照顧開支的扣除上限,將由現時6萬元增至7.2萬元,估計合共惠及約51萬名納稅人,港府每年少收5.7億元。

 另方面,當局亦將現時每名子女的免稅額由5萬元增至6萬元,並按有關增幅相應調高每名子女在出生的課稅年度所享有的一次性額外免稅額,估計約30萬名納稅人受惠,港府每年少收6.5億元。港府消息人士指出,同時受惠於增加供養父母及子女免稅額措施的納稅人,約有10萬人。

綜援金生果金俱出雙糧

 此外,當局亦會向目前領取綜援、高齡津貼及傷殘津貼的人士發放相當於1個月標準金額的額外津貼,估計今年暑期發放。鑑於短期食物援助計劃的服務使用情況穩定,當局不會即時注資,但會額外預留1億元延續計劃。

23 則留言:

Kai 提到...

我覺得唔應該免一年差餉, 應該先免半年再睇情況.
買樓四年先交得個一季差餉, 第日加息 + 交差餉, D人會好辛苦.

呢次最多人罵係注錢入MPF, 真係唔知佢點諗出來?

金錢一一 提到...

個個都話香港庫房水浸,我睇完「貨幣戰爭」等書後覺得庫房D錢絕大部分係要來保持香港貨幣穩定,防範好似索羅斯之流衝擊。即係如果俾人衝擊到港幣狂瀉,就全港市民都要乞食,呢隻「獲」無人揹得起。

咁諗啱唔啱呢?

Lisa 提到...

免差餉可以幫我慳錢, 手頭上會鬆 D ! 聰明的就把錢儲起來, 到要交差餉時可以拿出來用 !

MPF方面, 我本來想六十歲時提出來, 但老公有 D 腦退化, 成日唔多記得我講過 D 乜, 昨天好緊張咁打電話俾我, 因為我出咗九龍, 妳有無取消 D MPF戶口呀 ? 我:無取消 ! 老公: 好彩呀 ! 財爺派 MPF 呀 ! 我:哦, 咁好呀 ! 老公說唔好取消 MPF 戶口呀, 第日無得收派錢 ! XD !

Lisa 提到...

回金錢一一,
當然岩呀, 所以叫派現金的政黨唔用腦, 只想出位 !

Kai 提到...

家下的人己經習慣左派糖, 所以今年唔減稅有咁多反對聲音. 今日報紙都講呢幾年差餉跟隨租值升左好多, 我諗好多人都無留意.

家下孖曾係咁派, 到下年如果綜援無雙糧 + 無差餉, 都唔知點收科.

Lisa 提到...

所以要預留 D 錢, 等下年都有得派 !

Kai 提到...

就係咁先唔明, 做乜要注錢入MPF....

Lisa 提到...

可能因為無退稅囉 !
退稅只是高稅率的人才有, 而 MPF 好多打工仔都有 ! 加大咗兒女和供養父母免稅額, 好多打工仔都唔曬交稅啦 !
好多人咁都唔明, 財爺冤枉俾人鬧 !

Lisa 提到...

不過注入 MPF, 真係救唔到近火; 大家只知戶口多咗錢, 而無得用 ! 應該如電費咁, 可以直接幫到人 !

Kai 提到...

所以我FB話不如要六千蚊電費好過 XDDD

其實係MPF未自由行前, PUMP錢入去真係唔值.
父母免稅額方面.... 可惜未能擴大到超過一個子女可以用, 今年要同細佬傾下點分了 XD

Lisa 提到...

應該係咁 : 政府注入 6,000蚊, 而顧員可以免供 6,000蚊, 但顧主一樣要供 ! Is this not a good idea ? XD !

Kai 提到...

讚好!
不過財爺又會話刺激通脹 XDDD

金錢一一 提到...

响97前後果幾期抽到居屋又住到依家,樓價至啱啱返到家鄉,如果依家起番居屋,實俾人插到九彩(我就係呢隻),不過果D低能又專貴嘅議員唔會去諗,只會為鬧而鬧,聽到我火都來埋。

金錢一一 提到...

MPF嘅壞處係獨孤一味放股市,如果可當首期買樓,情況或者會唔同。

Lisa 提到...

其實 MPF 有好多基金選擇的 ! 我依家就放在港元基金, 現金70%, 30%債券 !
雖然賺好少, 不過好過蝕 !

匿名 提到...

Lisa,唔好意思,我有唔明想請教你,唔知呢6000蚊係以現金方式存在我既MPF戶口內,還是會好似我D供款咁變成基金單位呢?如果係現金,咁就死得啦,咁多年後,6000變6蚊!
nlpsonia

金錢一一 提到...

放落MPF果六千蚊最後大多都流入股市,如果咁都唔升市,就真係「不該」啦。

Lisa 提到...

回 nlpsonia,
我認為是會跟你選的 plan 買基金 !

金錢一一 提到...

即係財爺可能曲線製造機會俾中產入市㩒錢,如果分析正確,財爺可謂用心良苦也!

匿名 提到...

謝謝Lisa :)
nlpsonia

金錢一一 提到...

再推多D地出來,等D樓唔好升得咁快,咁未買樓嘅人可趕得切賺夠首期。

Lisa 提到...

政府的政策有時好難明, 又想幫人, 又唔想養懶人, 又想樓價唔好升太多, 又唔想樓價跌 !

Kai 提到...

一開始唔退稅, 家下攪到又退稅又派錢.
呢個政府, 真係次次都做到最錯....