2011年2月28日 星期一

金銀和智慧

我老公的哥哥在過身之前送咗個奧運銀牌俾我老公; 個時老公轉俾我時, 我在說:是真銀嗎 ? 之後就掉咗落保管箱無再理啦 ! 剛才去保管箱拿出來再細心睇, 原來背面有寫 999Ag 50g !

三兄弟中, 大哥最窮, 因為生意失敗, 而我不嬲覺得佢懶和無乜智慧, 原來佢真人不露相 ! 聽說佢遺產中留咗金條俾 D 仔女 ! 所以由金條和銀牌來睇, 佢一早知金銀的價值, 雖然佢送個銀牌俾我老公時, 銀價還在低位 ! 而我個時沒開始買實銀, 所以傻下傻下唔識分 !

點解銀又叫白銀, 而金又叫黃金 ?
我發覺, 銀會發出刺眼的白光, 而金會發出刺眼的黃光 !
唔信 ? 自己細心 D 去觀察下啦, 當然要用新銀唔好用發黑的銀來試 !

10 則留言:

feifei 提到...

Lisa姐當我買咗金幣同銀幣時都有發覺呀,响房間慢慢欣賞時真係發覺好耀眼架..!!

Lisa 提到...

feifei,
呢樣可能就係金銀迷人的地方 :)

feifei 提到...

其實真係好想打開金幣同銀幣個盒親手感受吓架,不過驚個銀幣氧化....!:-)

Lisa 提到...

同我老公一樣, 俾個銀幣佢睇, 就開咗個盒, 要我叫佢: 唔好開啦, 你手有油呀 ! 我買來銀幣只是為影張相, 而欣賞 D 相片 ! XDDD !

feifei 提到...

咁你屋企咪好多靚相囉...我上個星期响大洋買咗兩餅熊貓2011銀幣..不過溢價真係好貴...!!但係好似淨係得佢哋有得買咋......

Lisa 提到...

銀價升咗, 所以價錢是差不多啦 !

Bosco 提到...

Lisa,金系“Metal of the Sun Metal”, 銀系 “Metal of the Moon” 嘛。

我之前說服左一個朋友去買實金。陪拒拒去恆生買左2條99金條同幾個金幣,然後拒第二日同我講,拒終於感受到守財奴既感覺,拒系屋企看住D金覺得好開心!

Lisa 提到...

人為財死, 鳥為食亡 !
踩, 踩, 踩 !

Imhung 提到...

今年回家鼓勵弟弟妹妹開始買白銀,也把馬隆尼的"富爸爸買賣貴金屬"這本書留給我妹看,特別是十一章”烏雲確實鑲著銀邊"請他們要抽空看,不過似乎還未見效.

Lisa 提到...

回 Imhung,
金銀呢回事, 好多人是唔會理解的 !