YouTube 2011 Australian Bullion Coin program
www.perthmintbullion.com
2011年限量:
1oz 兔年銀幣 300,000枚
1oz 笑鳥銀幣 500,000枚
今日乘銀價還在低位, 出咗去旺角東洋買銀幣; 因為早咗出門, 差D摸門釘 ! 因為沒開門, 所以我行咗去二樓打個轉, 之後想行落地下時, 遇到東洋老闆娘, 好彩我認得佢, 所以又跟佢上返一樓; 原來東洋開下午二點鐘 ! 呢次無白行到, 買咗兔年銀幣:
2 oz $650
1 oz $330
半 oz $180
而2011年 1oz 樹熊銀幣和 1oz 笑鳥銀幣都有新貨, $330 一個 !
呢 D 銀幣是有少少溢價, 不過無純銀條咁悶, 所以是值得的, 就如我買金飾, 雖然貴金條好多, 不過可以帶上身又是值得的, 只要在夠低位買入 !
12 則留言:
Hello, 自從早兩星期開始看你既blog, 令我對投資既知識獲益良多, 我亦開始一有餘錢(雖然是很少數目)就來買些銀來儲. 我早兩日都去過東洋見到有這些銀幣,但基於我是新手,又唔知d銀幣是不是合理價,所以唔夠擔買, 希望我呢兩日去時仲有貸, 等我買兩個來送給囡囡做新年禮物. (其實東洋同大洋係唔係賣既物品同其他地方比係價格相宜架?? 另外, 我早兩日去既時侯問老闆娘有沒有一些膠盒可放500g的銀條,她說沒有, 只有不同size的圓形膠盒賣, 那我可在那處買呢? )
另外, 我想問上述的金銀幣主要是受到什麼東西來影響它的價格? 如發行量多少, 有沒有貨定金銀價?? 金銀幣方面除了加拿大楓葉外,還有那些國家出品的較受歡迎?
回阿卜卜,
其實銀幣最平還是去 Kitco 買好 D, 除咗楓葉, 還有鷹楊和奧地利音樂銀幣都平, 而受外國歡迎 ! 而如果買得多, Kitco 還在折扣 !
其實如果只是想保值, 買銀條最著數, 因為對比純銀價最接近, 不過如果銀價唔升, 成手都係銀條好悶姐, 所以我才去買銀幣玩 ! 而限量版銀幣會最貴, 因為有炒賣價值; 呢種銀幣多數有証書和包裝盒附送, 如我買的一生好運銀牌和10g的兔年銀牌 ! 而東洋賣的澳洲銀幣多數發行量好大, 所以炒賣價值不多, 不過自己收藏或送禮是好值得, 而價格都會跟隨銀價升的 !
而500g銀條, 最好買 D 玻璃紙袋住(東洋有賣, 而好多貨品都用玻璃紙包裝, 所以可以環保用來包銀), 還要放黑暗處唔好在陽光爆曬好易變黃變黑 !
Lisa, 大洋有冇一生好運銀牌賣? 深圳實在太遠啦, 我都好想買澳洲兔年銀幣, 但仲未過到價錢這一關(比楓葉貴30%)
我第一次去東洋個時都沒有買各種銀幣的經驗, 只買咗 kitco 楓葉, 所以只是濟睇, 好驚買到假銀 ! 個時一個只賣 $190/$200; 後來銀價升好多, 而銀幣價格跟升, 所以好後悔無買到 !
買銀幣, 最好睇 D 手工精唔精細, 還要有好清晰的Ag.999和重量 !
據 Joe 說, 東洋和大洋都是老字號, 值得信任 !
回CK,
我昨天在大洋見唔到一生好運銀牌賣, 不過個 D 兔年銀牌都好靚 !
我同意 D 澳洲兔銀幣好貴, 不過我去過澳洲幣廠網睇都唔平得幾多, 所以買得個幾個都無所謂啦, 因為是用來送俾仔女的 !
Lisa, 我昨天到了東洋買了個1安士既兔年銀幣及一個2010年熊貓銀幣了(我忘記了你介紹過大洋比這處平$40, 不過唔緊要啦~~ 見到心頭好我便心急想擁有它~~~ hehe~~ ), 這些銀幣手工十分幣細啊, 我及囡兒也十分喜歡~~ 原本我也想買埋個鷹銀幣,但我見個銀幣好似有一條少"痕, 好似是花了, 所以我沒有選擇了. 老閣娘還跟我說以前賣得好平既時間就沒有人買, 金銀價一升, 就越貴都越有人買, 相信許多人都開始明白金銀的重要性了!(包括我啊~~)
回阿卜卜,
教識女兒儲銀也是一件好事來 :)
鷹楊可以去 kitco 買, 平好多啊 !
人就係咁, 平時當草, 貴時當寶 !
想問下鷹揚、富格林、楓葉是去銀行買好還是去KITCO買好，比較價錢好像銀行便宜很多啊~~
金幣去銀行買, 銀幣去 Kitco 買 !
此銀幣是否有証書跟像在perthmint一樣？
東洋買無証書也無盒送的, 分別係邊 ?
我都給搞糊塗啦 :(
張貼留言