深圳中國銀行買銀記

星期五第一次去深圳建設路中國銀行買999銀牌, 一生好運, 重38克, 418人民幣一個 !
銀牌有膠盒裝住, 而外面還加多層軟膠保護住 !

幾年前本人去過一次建設路的中國銀行, 見到金牛金牌, 20克賣5千人民幣, 本來心絲絲想買, 不過同老公同行, 無得自由行, 而老公同大多數香港人一樣, 睇唔到金銀的保值價值, 所以成日阻我買實金實銀 ! 而在大陸銀行又唔俾開聯名戶口, 所以我同老公都有自己戶口, 不過因為我少返大陸, 所以只開定期簿仔, 而老公才有活期簿仔, 所以想用錢, 須叫老公禁機, 所以想買金銀, 須通過老公個關, 哈哈 !

9號個時返大陸辦事, 是在東門附近, 所以無時間再去中國銀行(大陸銀行開放時間是一至五, 9點至5點, 而星期六日是9點至4點), 所以14號去專行去建設路個邊 ! 原來間中國銀行一樓專賣實金實銀產品 ! 我同老公去到時是約一點半, 我只見到一個飾櫃有現貨賣, 而銀行職員說要到兩點鐘, 負責金銀產品的同事才會返, 所以我地去食野先, 但返來後, 個飾櫃已收曬 D 產品, 而個時我才發現轉個彎有多個飾櫃, 不過睇價錢牌, 都是放貴價實金產品的, 不過因為收曬無野睇 !
如果大家想買野都係十二點前好去, 而我無問到開放時間, 所以唔知星期六日有無得賣, 不過照估都係要星期一至五去好 D !

呢次去只見到最平是呢D一生好運銀牌, 還有一個銀兔算盤, 100克重要賣 1,400人民幣, 所以我計計下是貴 Kitco 銀 50%, 不過如果唔係老公在身邊, 我可能會買一個 ! 我已須用好多口水才說服老公買個三個一生好運銀牌, 所以放棄隻算盤 !

大家須留意, 如果帶金銀返香港, 按照 Joe 說, 只可以帶5両銀和一両金過關, 而帶太多會俾充公 !

註 : 呢D限量版產品, 有証書, 也有靚靚木盒附送, 所以最好自帶購物袋 ! 買時俾錢可能都可以簽卡, 因為銀行職員問我是俾現金定簽卡 ?