魚缸通：耶倫放鴿 散戶麻木

money18.on.cc

美國聯儲局主席耶倫凌晨發表演說，放出「鴿派」言論，刺激今早大市造好，但散戶一般未見非常受落，仍對後市持觀望態度，以短炒為主。

英皇證券荃灣分行經理Stephen話，散戶見恒指仲未喺20,700點呢個近期高位止步，對市嘅信心唔算好大，等大市上返20,800點樓上先再算。

佢話，今日啲散戶都係沽貨多，其中包括建行(00939)、工行(01398)、中行(03988)呢啲內銀股，同埋一啲券商股。佢話，唔少散戶之前見啲內銀股跌得多、息率又高，就撈咗貨，依家見有得賺，就先走一半先。