大埔街市菜價超神秘 不標價錢原因...

本人去街市多數會幫襯有標價的檔口, 避免買貴貨 !

有次買咗10蚊1盒菇, 轉一個灣前面檔賣5蚊, 走回去同佢理論點解差咁多, 最後佢俾返錢, 所以依家只會幫襯前面個檔 !

on.cc東網專訊

香港百物騰貴，身為精明消費者當然要「格到最底價」。不過近日有人察覺到大埔墟街市內幾乎所有菜檔，都沒有標明價錢，結果引來網民諸多猜測，有人更質疑是否製造「海鮮價」，又或不同人有不同價錢？東網記者決定深入街市，一探不標價背後，是否暗藏菜價騙案？

位於大埔鄉事會街的大埔墟街市分為3層，2樓為菜檔及乾貨㰙位，東網記者到現場視察，發現10多檔菜檔，絕大部分菜販都未有將價格公開，有別於其他街市用雙眼就知價。在此處購物只能「價在口邊」，必須拿起蔬菜問一句，「老闆，呢個幾錢？」

在大埔經營30多年的菜檔檔主余先生，從大埔墟街市啟用已經在此經營，他直言，從沒有將價錢標明，認為買菜是「你情我願」的事。「我哋唔使標價啦。」更自信滿滿指其他菜檔或許要標價，但他們卻不用，皆因都是做熟客生意，而且他對自己所售賣的蔬菜充滿信心，認為「有麝自然香」，客人不會因為沒標價而拒絕光顧，有人曾詢問為何不把價錢標明，他豪言：「唔鍾意標咪唔標囉。」

他認為其他菜檔標價除方便客人，亦可避免員工將價錢混淆。不過小本經營的他，從未考慮明碼實價，「超市驚你(員工)唔知，我哋自己幾個伙計，點會搞亂價錢。」

客人若開口詢問價錢，他會照直告知，「佢買咪買，唔買咪行開。」對於有人質疑是否藉此胡亂開價，余輕笑，「亂開海鮮價咪無回頭客，我咁大間舖喺度，覺得畀人呃，咪嚟搵我算帳囉。」

同樣開檔30多年的黃太，笑說由家姑那代開始，已經沒有標價的習慣，原因絕非為欺騙顧客，只是人手不足。「檔仔細細，得我一個人，如果有價錢牌整亂咗都唔知。」她說，檔裏平均售賣10多款蔬菜，每款都放價錢牌的話，反而令客人眼花繚亂。

大埔街坊溫小姐對於菜檔沒標價並不太驚訝，「去開嘅菜檔都無價錢牌，買慣都知價。」由於平日都光顧相熟菜檔，所以不怕被騙。當然，亦有市民會避開沒有標價的菜檔，李小姐指買菜多數選擇寫明價錢的店舖，確保「白紙黑字」，亦方便自己格價。

香港入口蔬菜批發商商會會長袁昌表示，現時18區街市絕少菜檔會不標價，他認為，標價對市民十分重要，令市民了解菜價的變動，亦有利於選擇。如果有街市不寫明價錢，容易令人無所適從。